ASTANA. KAZINFORM – Sıngapýr Prezıdentine quttyqtaý jedelhatyn joldady. Qasym-Jomart Toqaev Tarman Shanmýgaratnam men Sıngapýr halqyn Ulttyq kúnimen quttyqtady, dep habarlaıdy Aqordanyń baspasóz qyzmeti.
Prezıdent Sıngapýrdyń ekonomıka, ınnovatsııa jáne qoǵamdyq damý salasyndaǵy tańǵalarlyq jetistikterin atap ótti. Sonymen qatar elimizdiń Sıngapýrmen aradaǵy shynaıy dostyqqa jáne ózara qoldaýǵa negizdelgen seriktestikti nyǵaıtýǵa múddeli ekenin rastady.
Qasym-Jomart Toqaev Tarman Shanmýgaratnamnyń bastamalaryna tabys, al Sıngapýr halqyna baq-bereke tiledi.
Elmıra Oralbaeva
Abaı atyndaǵy qazaq ulttyq pedagogıkalyq ýnıversıtetiniń túlegi. 2023 jyldan bastap Kazinform halyqaralyq aqparat agenttiginde shyǵarýshy redaktor qyzmetin atqaryp keledi.