Memleket basshysy Shanhaı yntymaqtastyq uıymynyń Bas hatshysy Chjan Mınmen kezdesti

<p>HAINANЬ. KAZINFORM &ndash; Kezdesý barysynda ShYU jumysyn damytý jáne ony odan ári jetildirý máseleleri jan-jaqty qarastyryldy.&nbsp; Bul týraly Aqorda málimdedi.&nbsp;</p>

Prezıdent Uıymnyń «Kópjaqty dıalogty nyǵaıtý – ornyqty beıbitshilik pen damýǵa umtylý» atty Astanada ótetin aldaǵy sammıtine Qazaqstan tarapy erekshe mán beretinin jetkizdi.

Foto: Aqorda

– Bizge tyǵyz qarym-qatynasta jumys isteý qajet dep oılaımyn. Óıtkeni qazirgi geosaıası ahýaldy eskersek, aldaǵy Astana sammıtiniń mańyzy óte zor. Sammıt barysyn jáne onyń aıasynda qabyldanatyn sheshimder men kelissózderdi búkil álem baqylap otyrady. Bilýimshe, Uıymǵa múshe memleketterdiń basshylary atalǵan jıynǵa túgel qatysýǵa nıet bildirýde. Uıymdastyrýshy tarap retinde Qazaqstan sammıttiń tabysty ótýi úshin qoldan kelgen sharanyń bárin jasaıdy, – dedi Prezıdent.

Chjan Mın Shanhaı yntymaqtastyq uıymynyń áleýetin arttyrýǵa Qazaqstan eleýli úles qosyp otyrǵanyn atap ótti.

– Uıymnyń qazirgi tóraǵasy retinde Qazaqstannyń úlken kúsh-jiger jumsap jatqanyn jáne Joǵary mártebeli Prezıdent myrza, Sizdiń ShYU qyzmetin jetildirýge aıryqsha mán berip otyrǵanyńyzdy joǵary baǵalaımyn. Astana sammıtiniń sátti ótetinine senimdimiz, – dedi Bas hatshy.

Memleket basshysy Qazaqstannyń ShYU-ny óńirlik qaýipsizdik, saýda-ekonomıkalyq yqpaldastyq jáne mádenı-gýmanıtarlyq baılanys protsesterin yntalandyrýdyń pármendi tetigi retinde qarastyratynyn atap ótti. Sonymen qatar Qasym-Jomart Toqaev sammıttiń qorytyndy qujattarynyń mazmuny boıynsha egjeı-tegjeıli jumys júrgizý mańyzdy ekenine nazar aýdardy. Onda Uıymǵa múshe barlyq memlekettiń kózqarasy men ustanymdary eskerilgeni jón.