Memleket basshysy Rýanda Prezıdentiniń arnaıy ókili Jan Pol Nırýbýtamany qabyldady
15:31, 26 Qyrkúıek 2024
<p>ASTANA. KAZINFORM — Qasym-Jomart Toqaev arnaıy ókilge iltıpat bildire otyryp, Rýanda Prezıdenti Pol Kagamege sálemin joldady. Memleket basshysy Rýanda tarapynyń Qazaqstanmen kópjosparly seriktestikti nyǵaıtýǵa yqylas tanytyp otyrǵanyna rızashylyq bildirdi.</p>
Prezıdent Afrıka elderimen yqpaldastyqtyń qarqynynda oń dınamıka bar eken atap ótip, Rýandamen aradaǵy ekijaqty jáne kópjaqty qarym-qatynastyń kókjıegin odan ári keńeıtýdiń mańyzyna nazar aýdardy.
Osy oraıda Memleket basshysy jýyrda qol qoıylǵan Qazaqstan men Rýanda arasyndaǵy dıplomatııalyq jáne qyzmettik pasport ıelerin vıza talaptarynan bosatý týraly kelisimdi joǵary baǵalady.
Jan Pol Nırýbýtama qonaqjaılyq tanytqany úshin Qasym-Jomart Toqaevqa alǵys aıtyp, búginde Qazaqstannyń saıası jáne ekonomıkalyq turǵydan qarqyndy damyp kele jatqanyn atap ótti.
Áńgime barysynda saýda-ekonomıkalyq jáne mádenı-gýmanıtarlyq yntymaqtastyqtyń perspektıvti baǵyttary talqylandy.