Memleket basshysy Rio Tinto kompanııasynyń bas atqarýshy dırektorymen kezdesti

<p class="MsoNormal" style="text-align: justify;"><strong><span lang="KZ" style="font-family: 'Segoe UI','sans-serif'; color: black; background: white; mso-ansi-language: KZ; font-weight: normal;">Memleket basshysy Rio Tinto kompanııasynyń bas atqarýshy dırektory ıAkob Shtaýsholmdi qabyldady, dep habarlaıdy <a href="https://kaz.inform.kz/" target="_blank" rel="noopener">QazAqparat</a> Aqordanyń baspasóz qyzmetine silteme jasap.</span></strong></p>

Kezdesý barysynda geologııalyq barlaý, taý-ken jáne metallýrgııa ónerkásibinde birlesken ınvestıtsııalyq jobalardy iske asyrý máseleleri talqylandy.

Qasym-Jomart Toqaevqa Rio Tinto kompanııasynyń elimizdegi qyzmetiniń aıasyn keńeıtý jospary jóninde málimet berildi.

ıAkob Shtaýsholm Qostanaı jáne Qaraǵandy oblystaryndaǵy mys ken oryndaryna geologııalyq barlaý júrgizý jobasynyń júzege asyrylý barysy týraly baıandady.

Memleket basshysy joǵary tehnologııalardy damytý úshin búginde suranysqa ıe mańyzdy mıneraldar men shıkizattyń elimizde mol qory bar ekenin atap ótti. Qazaqstan geologııalyq barlaý jumystarynyń aýqymyn ulǵaıtý, jańa ken oryndaryn ashýdy jeńildetetin úzdik álemdik tájirıbelerdi engizý úshin sharalar qabyldap jatyr.

Rio Tinto – naryqtaǵy quny 99 mıllıard dollardy quraıtyn, taý-ken óndirisi jáne metallýrgııa salasyndaǵy iri aǵylshyndyq-avstralııalyq kompanııa. Negizgi aktıvteri Avstralııada (35%), Kanadada (34%), Evropada (13%) jáne AQSh-ta (11%) shoǵyrlanǵan.

Rio Tinto kompanııasy temir rýdasyn, alıýmınıı, mys, boksıt, almaz, ýran jáne ónerkásipke qajetti basqa da mıneraldar óndirýmen aınalysady.