Memleket basshysy Reseıdiń Syrtqy ister mınıstri Sergeı Lavrovty qabyldady

<p>ASTANA. KAZINFORM - Qazaqstan Prezıdenti ShYU-ǵa múshe memleketterdiń Syrtqy ister mınıstrleri keńesiniń otyrysyna qatysý úshin Astanaǵa kelgen Reseı Federatsııasynyń Syrtqy ister mınıstri Sergeı Lavrovty qabyldady.</p>

Memleket basshysy Reseı dıplomatyna iltıpat bildire otyryp, eki eldiń qatynastary strategııalyq seriktestik jáne odaqtastyq rýhynda qarqyndy damyp kele jatqanyn atap ótti.

Kezdesý barysynda saýda-ekonomıkalyq yntymaqtastyqty odan ári nyǵaıtý jáne ınvestıtsııalyq-ónerkásiptik kooperatsııany ilgeriletý máselelerine erekshe nazar aýdaryldy.

Qasym-Jomart Toqaev buǵan deıin joǵary deńgeıde qol jetkizilgen ýaǵdalastyqtardy tolyqqandy júzege asyrýdyń mańyzy zor ekenin aıtty. Onyń pikirinshe, barlyq tapsyrma strategııalyq sıpatqa ıe jáne eki el arasyndaǵy kópqyrly baılanystardy aıtarlyqtaı nyǵaıtýǵa baǵyttalǵan.

Sonymen qatar kezdesýde óńirlik jáne halyqaralyq kún tártibindegi ózekti máseleler, sondaı-aq kópjaqty formattaǵy jáne ıntegratsııalyq birlestikter aıasyndaǵy ózara is-qımyldar talqylandy.