Memleket basshysy Ózbekstan Prezıdentiniń kómekshisi Saıda Mırzıeevany qabyldady

<p>ACTANA. KAZINFORM - Kezdesý barysynda eki el arasyndaǵy kópjaqty seriktestikti odan ári ilgeriletýge qatysty ózekti máseleler talqylandy, dep habarlaıdy Aqordanyń <a href="https://www.akorda.kz/kz/memleket-basshysy-ozbekstan-prezidentinin-komekshisi-saida-mirziyoevany-kabyldady-5741" target="_blank" rel="noopener">baspasóz</a> qyzmeti.</p>

Qasym-Jomart Toqaev Qazaqstan men Ózbekstannyń odaqtastyq ári strategııalyq sıpattaǵy qarym-qatynasyn atap ótip, joǵary deńgeıdegi saıası dıalogtyń tıimdiligin arttyra túsý úshin eki el prezıdentiniń ákimshilikteri arasyndaǵy tyǵyz baılanysty jolǵa qoıý mańyzdy ekenine nazar aýdardy.

Kezdesýde aqparattyq-ıdeologııalyq, mádenı-gýmanıtarlyq, bilim berý jáne jastar saıasaty salalaryndaǵy ózara tıimdi yntymaqtastyqty nyǵaıtý máselesine aıryqsha mán berildi.

Prezıdent Astanada halyqaralyq «Zakovat» ıntellektýaldyq oıynynyń ótkizilýine qoldaý bildirip, mundaı is-sharalar halyqtarymyzdyń arasyn jaqyndata túsetinin atap ótti.