Memleket basshysy Ózbekstan prezıdentimen telefon arqyly sóılesti

<p>ASTANA. KAZINFORM &ndash; Áńgimelesý barysynda Qasym-Jomart Toqaev Shavkat Mırzıeevti týǵan kúnimen quttyqtap, oǵan baq-bereke jáne Ózbekstan halqynyń ıgiligi jolyndaǵy jaýapty qyzmetine tabys tiledi.&nbsp;</p>

Qasym-Jomart Toqaev Qazaqstan men Ózbekstan arasyndaǵy dostyq, tatý kórshilik jáne odaqtastyq qatynastaryn nyǵaıtýǵa Shavkat Mırzıeevtiń qosqan zor úlesin joǵary baǵalaıtynyn jetkizdi.

Prezıdentter ekijaqty ózara yqpaldastyqtyń joǵary qarqynyn atap ótip, saýda-ekonomıkalyq, kólik-logıstıkalyq, energetıkalyq jáne mádenı-gýmanıtarlyq salalardaǵy yntymaqtastyqty arttyrýdyń perspektıvalaryn talqylady.

Taraptar aımaqtyq jáne halyqaralyq kún tártibindegi ózekti máselelerdi qarastyrdy. Sondaı-aq joǵary deńgeıdegi baılanystardyń aldaǵy kestesin pysyqtady.