Memleket basshysy Ózbekstan Prezıdenti Shavkat Mırzıeevpen telefon arqyly sóılesti

<p>ASTANA. KAZINFORM &ndash; Qasym-Jomart Toqaev elimizdiń birqatar óńirinde bolǵan sý tasqynyna baılanysty tileýlestik tanytyp, kómek kórsetkeni úshin Shavkat Mırzıeevke jáne baýyrlas Ózbekstan halqyna alǵys aıtty. Bul týraly Aqordanyń baspasóz qyzmeti habarlady.</p>

Prezıdentter qazaq-ózbek strategııalyq seriktestigin odan ári nyǵaıtý, sondaı-aq buǵan deıin qol jetkizilgen ýaǵdalastyqtardy júzege asyrý máselelerin talqylady. Taraptar ekijaqty qatynastar men óńirlik deńgeıdegi kooperatsııanyń qarqyndy damyp kele jatqanyna nazar aýdardy.

Sonymen qatar memleketter basshylary aımaqtyq jáne halyqaralyq kún tártibindegi ózekti máseleler boıynsha pikir almasty.

Buǵan deıin Ózbekstan Respýblıkasynan Qazaqstanǵa 15 júk kóligine tıelgen gýmanıtarlyq kómek kelgenin jazǵan bolatynbyz.