Memleket basshysy ózi úzbeı oqıtyn gazetterdi atady

<p>ASTANA. KAZINFORM &ndash;&nbsp; Prezıdent Qasym-Jomart Toqaev BAQ salasy qyzmetkerlerin marapattaý rásiminde sóılegen sózinde&nbsp; ózi úzbeı oqıtyn gazetterdi atady</p>

«Baspasóz – qoǵamnyń bet-beınesi. Men kúndelikti gazet-jýrnaldy únemi qadaǵalap otyramyn. «Egemen Qazaqstan», «Kazahstanskaıa pravda», «Aiqyn», «Lıter», «Turkistan», «Ana tili», «Qazaq ádebıeti» basylymdaryn, aımaqtarda shyǵatyn gazetterdi de úzbeı oqımyn. Kóp maǵlumat alamyn, paıdaly aqparat óte kóp. Jalpy, qazirgi tańda gazetterde jarııalanyp jatqan materıaldardyń sapasy joǵary, oqýǵa tartymdy dep aıtqym keledi. Qoǵamnyń tynysyn, zııaly qaýymnyń oı-pikirin bilip otyrý óte mańyzdy dep sanaımyn», - dedi Memleket basshysy.

Sondaı-aq, Qasym-Jomart Toqaev qazirgideı qubylmaly zamanda halyqqa jan-jaqty saraptalǵan, tekserilgen, shynaıy aqparatty usyný mańyzdy ekenine toqtaldy.

«Azamattardy adastyratyn aqparatqa jol berýge bolmaıdy. Sóz bostandyǵy – eldegi ár bastamany synaý degen sóz emes. Naǵyz ult múddesin kózdegen aqparat quraly eldiń bereke-birligin nyǵaıtý úshin qyzmet etýi kerek. Shyn máninde, gazet shyǵarý jáne gazet oqý úrdisi eshqashan úzilmeýge tıis. Osy sabaqtastyqty saqtap qalý kerek. Bul – órkenıetti elderdiń barlyǵynda qalyptasqan dástúr», - dedi Prezıdent.