Memleket basshysy oqýshylar baǵdarlama jasap úırenetin onlaın platformany iske qosýdy usyndy

<p>Bilim berý júıesin eńbek naryǵynyń keleshektegi suranysyna beıimdeý qajet. Bul týraly &laquo;Digital Bridge 2023&raquo; halyqaralyq tehnologııalyq forýmynda Memleket basshysy Qasym-Jomart Toqaev aıtty, dep habarlaıdy <a href="https://kaz.inform.kz/lenta/" target="_blank" rel="noopener">Kazinform</a>.</p>

«Bilim berý júıesin eńbek naryǵynyń keleshektegi suranysyna beıimdeýimiz qajet. Avtomattandyrý men jasandy ıntellektiniń odan ári damýy jahandaǵy eńbek naryǵyn túbegeıli ózgertetini qazirdiń ózinde belgili. Goldman Sachs keleshekte júzdegen mamandyq pen úsh mıllıonǵa jýyq jumys orny joıylýy yqtımal dep boljam jasap otyr. Alaıda árbir tehnologııalyq revolıýtsııa kezinde adamzat balasy osyǵan uqsas dúrbeleńderdi bastan keshkeni tarıhtan málim. Bizdiń mindetimiz – jańa jaǵdaıǵa aldyn ala daıyndalý», - dedi Qasym-Jomart Toqaev.

Prezıdent jasandy ıntellektini qoldanysqa engizý adamdarǵa arnalǵan jumys oryndarynyń jappaı joıylýyna alyp kelmeıtindigin aıtty.

«Kerisinshe, adam eńbegi transformatsııaǵa ushyrap, múldem jańa kásibı daǵdylarǵa suranys paıda bolady. Sondyqtan qyzmetkerlerdi jańa daǵdylarǵa mektepten bastap baýlý qajet. Osyǵan oraı, eń aldymen, tsıfrlyq saýattylyq pen ınformatıkany oqytý sapasyn arttyrǵan jón. Ol úshin bilikti ustaz tapshylyǵyn sheshý qajet. «Astana Hub» halyqaralyq tehnoparkinde bilim berý platformasy tabysty jumys istep jatyr. Sol arqyly joǵary oqý ornynyń stýdentteri baǵdarlama jasaýdy úırenedi. Úkimet barlyq máseleni pysyqtap, mektep oqýshylary úshin osyndaı onlaın platformany pılottyq rejımde iske qosady dep oılaımyn», - dedi Memleket basshysy.