Memleket basshysy Nıgerııa prezıdenti Bola Ahmet Tınýbýmen kezdesti

<p>ASTANA. KAZINFORM - &laquo;Abý Dabıdiń ornyqty damý aptalyǵy&raquo; halyqaralyq sammıti alańynda Qazaqstan Prezıdenti Qasym-Jomart Toqaev Nıgerııa Federatıvti Respýblıkasynyń basshysy Bola Ahmet Tınýbýmen kezdesti. Bul týraly Aqordanyń baspasóz qyzmeti habarlady.&nbsp;</p>

Memleket basshysy elimiz Afrıka qurlyǵyndaǵy halyq tyǵyz qonystanǵan jáne iri ekonomıkasy bar Nıgerııamen san qyrly yntymaqtastyqty nyǵaıtýǵa basa mán beretinin jetkizdi. 

Bola Ahmet Tınýbý ekijaqty qarym-qatynasty jańa ári sapaly deńgeıge kóterý úshin birlese kúsh jumsaýǵa daıyn ekenin rastady. 

Osy rette Qasym-Jomart Toqaev Nıgerııa Prezıdentin Qazaqstanǵa resmı saparmen kelýge shaqyrdy. 

Taraptar saýda-ekonomıka, kólik-logıstıka, energetıka jáne aýyl sharýashylyǵy salalaryndaǵy yqpaldastyqty damytý perspektıvasyn talqylady. 

Memleket basshylary halyqaralyq kún tártibindegi ózekti máseleler jóninde pikir almasyp, kópjaqty qurylymdar aıasyndaǵy baılanysty jandandyrý mańyzdy ekenin atap ótti. 

Eske sala keteıik, buǵan deıin Prezıdent «Abý Dabıdiń ornyqty damý aptalyǵy» sammıtinde birinshi bolyp cóz sóılegenin jazǵan edik.