Memleket basshysy Moldova Prezıdentimen kezdesti

<p>ASTANA. KAZINFORM -&nbsp; SOR29 Dúnıejúzilik klımat sammıti aıasynda QR Prezıdenti Qasym-Jomart Toqaev Moldova Prezıdenti Maııa Sandýmen kezdesý ótkizdi, dep habarlaıdy <a href="https://akorda.kz/kz/memleket-basshysy-moldova-prezidenti-mayya-sandumen-kezdesti-13105123" target="_blank" rel="noopener">Aqorda.</a></p>

Memleketter basshylary eki el arasyndaǵy dástúrli dostyq qarym-qatynastardy, eń aldymen, saýda-ekonomıkalyq jáne mádenı-gýmanıtarlyq salalardaǵy yntymaqtastyqty keńeıtýdiń múmkindikterin talqylady.

Kezdesýde Maııa Sandý kelesi jyly Astanada Moldova elshiliginiń ashylýy elderimiz arasyndaǵy yqpaldastyqty damytýǵa septigin tıgizetinine senim bildirdi.

Sondaı-aq prezıdentter ekijaqty joǵary deńgeıdegi saparlar uıymdastyrýǵa ýaǵdalasty.

Eske salaıyq, Prezıdent Qasym-Jomart Toqaev Dúnıejúzilik klımat sammıtine qatysý úshin Bakýdegi olımpıadalyq stadıonǵa bardy. Sosyn Memleket basshysy Bakýdegi Dúnıejúzilik klımat sammıtinde sóz sóıledi. Klımattyń ózgerýi jónindegi BUU-nyń negizdemelik konventsııasyna qosylýshy taraptardyń 29-shy konferentsııasy aıasynda QR Prezıdenti Qasym-Jomart Toqaev Fınlıandııa Prezıdenti Aleksandr Stýbbpen kezdesý ótkizdi. Sondaı-aq Qasym-Jomart Toqaev SOP29 cammıtinde birqatar eldiń basshylarymen áńgimelesti.

Búgin memleket basshysy «Ál-Azhar» ýnıversıtetiniń Joǵarǵy ımamy Ahmed at-Taıebpen áńgimelesti.

Sondaı-aq, Prezıdent Qasym-Jomart Toqaev BUU Klımattyń ózgerýi týraly negizdemelik konventsııasyna qosylýshy taraptardyń 29-shy konferentsııasy (SOP29) aıasynda Grekııa Premer-mınıstri Kırıakos Mıtsotakıspen kezdesý ótkizdi.

Dúnıejúzilik klımat sammıti aıasynda Qazaqstan men Soltústik Makedonııa qarym-qatynasty damytý jóninde ýaǵdalasty.