Memleket basshysy Mysyr Prezıdentine quttyqtaý jedelhatyn joldady

<p>ASTANA. KAZINFORM - Qasym-Jomart Toqaev Qazaqstan halqynyń jáne jeke óziniń atynan Ábdel Fattah As-Sısı men mysyrlyqtardy osy eldiń ulttyq meıramy &ndash; Revolıýtsııa kúnimen quttyqtady, dep habarlaıdy Aqordanyń baspasóz qyzmeti.&nbsp;</p>

– Qazaqstan men Mysyr arasyndaǵy ortaq rýhanı qundylyqtar men jan-jaqty ózara yntymaqtastyqqa negizdelgen dástúrli qatynastardyń órisi keńeıgenin zor rızashylyqpen atap ótemin. Halyqtarymyzdyń ıgiligi úshin ekijaqty jáne kópjaqty formattardaǵy seriktestigimiz bolashaqta da óziniń jalǵasyn taýyp, qarqyndy damı beretinine kámil senemin, – dep jazylǵan jedelhatta.

Qasym-Jomart Toqaev Ábdel Fattah As-Sısıdiń jaýapty qyzmetine tolaǵaı tabys, al baýyrlas mysyr halqyna qut-bereke tiledi.