Memleket basshysy Mysyr Prezıdentine quttyqtaý jedelhatyn joldady

<p>Memleket basshysy Mysyr Prezıdenti Ábdel Fattah As-Sısıge quttyqtaý jedelhatyn joldady, dep habarlaıdy Aqordanyń baspasóz qyzmeti.&nbsp;</p>

Qasym-Jomart Toqaev Qazaqstan halqynyń jáne jeke óziniń atynan Ábdel Fattah As-Sısıdi Mysyr Arab Respýblıkasynyń Prezıdenti laýazymyna qaıta saılanýymen quttyqtady.

– Saılaýdaǵy aıqyn jeńisińiz memleketińizdiń damýyna qosqan mol úlesińiz ben qajyrly eńbegińizdiń nátıjesi, sondaı-aq Mysyr halqynyń ózińizge artqan zor senimi dep bilemin. Osy rette elińizdiń bolashaǵyn jarqyn, mereıin ústem etýge baǵyttalǵan bastamalaryńyz ben josparlaryńyzdyń árdaıym sátti júzege asa berýine tilektespin. Qazaqstan men Mysyr arasyndaǵy ortaq rýhanı qundylyqtar men jan-jaqty ózara yntymaqtastyqqa negizdelgen dástúrli qatynastardyń órisi keńeıgenin erekshe atap ótemin. Halyqtarymyzdyń ıgiligi úshin ekijaqty jáne kópjaqty formattardaǵy áriptestigimiz bolashaqta da jalǵasyn taýyp, qarqyndy damı beretinine kámil senemin, – dep jazylǵan jedelhatta.