Memleket basshysy: Medıtsınaǵa bólingen 3,3 trıllıon teńgeniń nátıjesi kórinip jatqan joq

<p>ASTANA. KAZINFORM &ndash; Memleket basshysy Qasym-Jomart Toqaev &laquo;Ádiletti Qazaqstan: zań men tártip, ekonomıkalyq ósim, qoǵamdyq optımızm&raquo; atty Joldaýynda mindetti áleýmettik medıtsınalyq saqtandyrý qorý týraly pikir bildirdi.</p>

«Ult saýlyǵyn nyǵaıtý úshin keshendi sharalardy qolǵa alyp, halyqty áleýmettik qoldaý júıesin jańǵyrtý kerek.

Mindetti áleýmettik medıtsınalyq saqtandyrý júıesiniń engizilýi densaýlyq saqtaý salasyna qosymsha resýrstar ákelip, jeke menshik medıtsınaǵa zor paıdasyn tıgizdi.

Bıyl densaýlyq saqtaý salasyna bıýdjetten 3,3 trıllıon teńge qarjy bólindi. Biraq, onyń nátıjesi áli kórinip jatqan joq. Medıtsınalyq saqtandyrý júıesine qatysýshylar arasynda mindetterdiń durys bólinbeýi burmalanǵan aqparattyń kóbeıýine ákep soqtyrdy. Naýqastarǵa memleket kepildik bergen qyzmetterdi aqyly negizde alýdy nemese birneshe aı boıy kezek kútýdi usyný jaıttary az emes. Buǵan jol berýge bolmaıdy», - dedi Prezıdent.

Memleket basshysy memleket kepildik beretin medıtsınalyq kómektiń biryńǵaı bazalyq toptamasyn jasaýdy tapsyrdy.

«Al odan asyp ketken shyǵynnyń bári saqtandyrý júıesi arqyly tólenýge tıis. Tsıfrlandyrý bolmasa, mundaı aýqymdy ózgeristerdi sátti júzege asyrý múmkin emes.

Bir-birine baılanysy joq ondaǵan baǵdarlama men aqparattar bazasynyń ornyna biryńǵaı memlekettik medıtsınalyq aqparat júıesin jasaý kerek. Jańa júıe, menshik túrine qaramastan, memlekettik tapsyrys alatyn medıtsına mekemeleriniń bárine tolyq baqylaý jasalýyn jáne málimetterdiń shynaıy bolýyn qamtamasyz etýi qajet. Úkimet osy mańyzdy máseleni sheshýge dereý kirisip, bul baǵyttaǵy jumystyń barysy jóninde maǵan jáne depýtattyq korpýsqa esep berip otyrýǵa tıis», - dedi Qasym-Jomart Toqaev.