Prezıdent kúshtik qurylym basshylarynyń jańadan taǵaıyndalǵan orynbasarlaryn qabyldady

<p>ASTANA. KAZINFORM &ndash; Qasym-Jomart Toqaev Ulttyq qaýipsizdik komıteti Tóraǵasynyń birinshi orynbasary Álı Altynbaevty, Ulttyq qaýipsizdik komıteti Tóraǵasynyń orynbasary &ndash; Terrorızmge qarsy qyzmettiń bastyǵy Baqytbek Rahymberdıev pen Іshki ister mınıstriniń orynbasary &ndash; Ulttyq ulannyń Bas qolbasshysy Ańsaǵan Baltabekovti qabyldady.</p>

Kezdesýde Memleket basshysy jańadan taǵaıyndalǵan laýazymdy tulǵalarǵa tıisti vedomstvolarda ózderi jetekshilik etetin baǵyttar boıynsha birqatar tapsyrma berdi.

Aıta keteıik, osyǵan deıin Memleket basshysy QR Іshki ister mınıstri Erjan Sádenovti qabyldady.

Memleket basshysyna uıymdasqan, kıber jáne esirtki qylmystaryna qarsy is-qımyl, jol qaýipsizdigin qamtamasyz etý, sondaı-aq kadrlyq áleýetti arttyrý jóninde buǵan deıin bergen tapsyrmalarynyń oryndalý barysy baıandaldy.