Memleket basshysy Kýba Prezıdentine quttyqtaý jedelhatyn joldady

<p>Prezıdent Qasym-Jomart Toqaev Qazaqstan halqynyń jáne jeke óziniń atynan Mıgel Marıo Dıas-Kanel Bermýdes pen Kýba halqyn Bostandyq kúnimen quttyqtady, dep habarlaıdy <a href="https://kaz.inform.kz/" target="_blank" rel="noopener">Kazinform</a> Aqordanyń baspasóz qyzmetine silteme jasap.&nbsp;</p>

– Egemendik pen teńdikti qasterleı bilgen elińiz búginde óziniń saıası-ekonomıkalyq turaqtylyǵy men halyqaralyq bedelin arttyrýda qomaqty jetistikterge qol jetkizýde. Osy tusta Otanyńyz baıandy damýyn jalǵastyryp, bıik maqsat-murattarǵa jete berýine shynaıy tilektespin. Karıb basseınindegi Qazaqstannyń jaqyn ári senimdi seriktesi Kýbamen yqpaldastyǵy halyqtarymyzdyń ıgiligi úshin aldaǵy ýaqytta da tereńdeı túsetinine kámil senimdimin, – dep jazylǵan jedelhatta.

Qasym-Jomart Toqaev Mıgel Marıo Dıas-Kanel Bermýdestiń asa jaýapty qyzmetine tolaǵaı tabys, al dostas Kýba halqyna qut-bereke tiledi.