Memleket basshysy Koreıa Respýblıkasynyń Prezıdentine quttyqtaý jedelhatyn joldady

<p>ASTANA. KAZINFORM - Qasym-Jomart Toqaev ıÝn Sok El men koreı halqyn Ulttyq kúnimen quttyqtady.</p>

Prezıdent jedelhatynda Koreıany ekonomıkalyq jáne tehnologııalyq damýda zor jetistikterge qol jetkizgen memleket retinde atap ótip, eki el arasyndaǵy qarym-qatynas strategııalyq seriktestik rýhynda nyǵaıyp kele jatqanyna toqtaldy. Sonymen qatar dástúrli dostyq pen berik baılanysqa negizdelgen qazaq-koreı yqpaldastyǵy halyqtardyń ıgiligi úshin odan ári jandana beretinine senim bildirdi.

Memleket basshysy Koreıa Respýblıkasy Prezıdentiniń jaýapty qyzmetine tolaǵaı tabys, dostas koreı halqyna qut-bereke tiledi.