Memleket basshysy Konstıtýtsııa kúnimen quttyqtady

<p>ASTANA. KAZINFORM &ndash;&nbsp;<strong> Memleket basshysy Qasym-Jomart Toqaevtyń Konstıtýtsııa kúnimen </strong><strong>quttyqtady, dep habarlaıdy Aqorda.</strong></p>

«Qurmetti otandastar!

Barshańyzdy Konstıtýtsııa kúnimen quttyqtaımyn! Ata zań – memlekettiligimizdiń berik tuǵyry, elimizdiń dáıekti ári turaqty damýynyń myzǵymas kepili. Memleket pen qoǵam ómiriniń negizin aıqyndaıtyn Konstıtýtsııada azamattardyń múddesine, quqyǵy men bostandyǵyna aıryqsha nazar aýdarylǵan. Sondyqtan Qazaqstanda júzege asyrylyp jatqan barlyq aýqymdy ózgeristiń maqsaty – halyqtyń ál-aýqatyn jaqsartý. 2022 jylǵy konstıtýtsııalyq reformanyń nátıjesinde jan-jaqty demokratııalandyrý úderisi bastaldy, saıası júıeni jańǵyrtýǵa jaǵdaı jasaldy.

Quqyq qorǵaý ınstıtýttarynyń jáne Adam quqyqtary jónindegi ýákildiń mártebesi kóterildi. Sondaı-aq Konstıtýtsııalyq Sot quryldy. Bul mekeme qazir elimizde zań ústemdigin ornyqtyrýǵa barynsha yqpal etip otyr. Konstıtýtsııanyń ádil ári berekeli qoǵamnyń tiregi sanalatyn zań men tártipti qamtamasyz etý jolyndaǵy róli nyǵaıa tústi.

Azamattardyń negizgi zańymyzdy qurmettep, onyń talaptaryn buljytpaı oryndaýy – naǵyz otanshyldyqtyń jáne joǵary jaýapkershiliktiń aıqyn kórinisi. Biz Konstıtýtsııada bekitilgen qasterli qundylyqtarǵa súıene otyryp, barshaǵa birdeı múmkindik beretin Ádiletti Qazaqstandy birge quratynymyzǵa kámil senemin. Ár shańyraqqa baq-bereke, tolaıym tabys tileımin!», - delingen quttyqtaý mátininde.