Memleket basshysy QHA Tóraǵasy orynbasarlaryn qabyldady

<p>ASTANA. KAZINFORM - Qasym-Jomart Toqaev Qazaqstan halqy Assambleıasy Tóraǵasynyń jańadan taǵaıyndalǵan orynbasarlary ıÝrıı Shın men Lýgmar Býlarovty quttyqtap, olardyń birlikti nyǵaıtý, qoǵamdyq kelisimdi saqtaý isindegi jaýapty qyzmetine sáttilik tiledi, dep habarlaıdy Aqordanyń baspasóz qyzmeti.&nbsp;</p>

QHA Tóraǵasynyń orynbasary – Hatshylyq meńgerýshisi Marat Ázilhanov Qasym-Jomart Toqaevqa buǵan deıin berilgen tapsyrmalardyń oryndalýy jáne Assambleıanyń XXXIIІ sessııasyna daıyndyq barysy jóninde esep berdi.

Prezıdent elimizdiń birqatar óńirinde sý tasqyny saldarynan qalyptasqan kúrdeli jaǵdaıdy eskere otyryp, QHA sessııasyn onlaın-formatta ótkizý týraly sheshim qabyldaǵanyn jetkizdi. Sharaǵa Assambleıanyń aımaqtardaǵy músheleri onlaın rejımde qatysady.

Memleket basshysy tabıǵı apattan zardap shekken azamattarǵa kómek kórsetýge Qazaqstan halqy Assambleıasy zor úles qosqanyn aıtty.

Qasym-Jomart Toqaev Assambleıa jumysyn odan ári jetildirý jóninde birqatar naqty tapsyrma berdi.

Aıta keteıik, búgin tańerteń Memleket basshysy Qazaqstan halqy Assambleıasy tóraǵasynyń orynbasarlaryn taǵaıyndaǵanyn jazǵan edik.