Memleket basshysy «Qazposhta» AQ basqarma tóraǵasyn qabyldady

<p>ASTANA. KAZINFORM - Memleket basshysy Qasym-Jomart Toqaev &laquo;Qazposhta&raquo; AQ basqarma tóraǵasy Ásel Janasovany qabyldady, dep habarlaıdy Aqordanyń baspasóz qyzmeti.&nbsp;</p>

Prezıdentke «Qazposhta» aktsıonerlik qoǵamynyń byltyr atqarǵan qyzmetiniń nátıjesi jáne kompanııanyń qazirgi qarjylyq jaǵdaıy jóninde málimet berildi. Ásel Janasovanyń aıtýynsha, kompanııa sońǵy 5 jylda alǵash ret 2,4 mıllıard teńge kóleminde paıda taýyp, aktsıonerge 1,5 mıllıard teńge dıvıdend tólegen. Salyq aýdarymdary men baj alymdarynyń jalpy kólemi 32,7 mıllıard teńgeni qurady.

Qasym-Jomart Toqaevqa byltyr «Qazposhta» arqyly jetkiziletin sálemdemelerdiń sany 35 paıyzǵa kóbeıip, olardy el aýmaǵynda jetkizý jyldamdaǵy eki ese artqany týraly baıandaldy.

Memleket basshysyna «Qazposhta» aktsıonerlik qoǵamy men YTO Express Group kompanııasy arasynda seriktestik qatynas ornaǵany jaıynda aıtyldy.

«Qazposhta» Almatyda aýdany shamamen 40 myń sharshy metr bolatyn «A» sanatyndaǵy joǵary tehnologııalyq qoıma salýǵa nıetti. Nysan Eýrazııa keńistiginde negizgi tranzıt torabyna aınalýǵa tıis ári Qytaıdan EýroOdaq, Eýrazııalyq ekonomıkalyq odaq jáne Ortalyq Azııa baǵyttary boıynsha Qazaqstannyń júk ótkizý áleýetin arttyrýǵa yqpal etedi.

Sonymen qatar Prezıdentke otandyq kompanııanyń el aýmaǵyndaǵy ınfraqurylymy men bólimsheler jelisiniń qazirgi jaı-kúıi tanystyryldy.

Kezdesý sońynda Qasym-Jomart Toqaev «Qazposhta» aktsıonerlik qoǵamynyń qarjylyq jaǵdaıyn jaqsartý jáne logıstıkalyq áleýetin arttyrý jumystaryn jalǵastyrýdy tapsyrdy.