Memleket basshysy Qazaqstandaǵy Iran elshiligine bardy

<p>ASTANA. KAZINFORM - Qasym-Jomart Toqaev Astanadaǵy Iran Islam Respýblıkasynyń elshiligine baryp, Prezıdent Ibrahım Raısı men Úkimet delegatsııasy músheleriniń tikushaq apaty saldarynan qaza tabýyna baılanysty ıran halqyna kóńil aıtty jáne qoldaý bildirdi.</p>

Aqordanyń baspasóz qyzmetiniń habarlaýynsha, Prezıdent kóńil aıtý kitabyna jazba qaldyrdy.

«Iran Islam Respýblıkasynyń Prezıdenti Ibrahım Raısıdiń jáne Úkimet delegatsııasy músheleriniń mezgilsiz qazasy týraly qaraly habar qabyrǵamyzdy qaıystyrdy. Óz ultynyń uly perzenti Ibrahım Raısı – Otanyna adal qyzmet etken tuǵyrly tulǵa. Biz ony parasatty basshy, bedeldi saıasatker, eki eldiń yntymaqtastyǵyn nyǵaıtýǵa zor eńbek sińirgen qaıratker retinde árdaıym este saqtaımyz. Qazaq halqynyń jáne ózimniń atymnan ırandyq baýyrlarymyzǵa qaıǵyryp kóńil aıtamyn. Marqumdardyń ımany salamat, rýhy peıishte bolsyn!» – dep jazdy Memleket basshysy.

Foto: akorda.kz

Foto: akorda.kz

Foto: akorda.kz