Memleket basshysy: Qazaqstanda 5 myńdaı barlanbaǵan ken orny bar

<p>Prezıdent qazaq-frantsýz bıznes forýmynda frantsýz kompanııalaryn ózara tıimdi seriktestik ornatýǵa shaqyrdy, dep habarlaıdy <a href="https://kaz.inform.kz/" target="_blank" rel="noopener">Kazinform</a> Aqordanyń baspasóz qyzmetine silteme jasap.&nbsp;</p>

«Jahandyq tehnologııalyq revolıýtsııa damyǵan saıyn, sırek kezdesetin metaldarǵa suranys geometrııalyq progressııamen ósedi. Jalpy, 2040 jylǵa qaraı ondaı metaldarǵa suranys tórt ese, sonyń ishinde lıtıı elementine qajettilik 10 ese artady degen boljam jasalyp otyr. Qazaqstanda jalpy quny 46 trıllıon dollarǵa baǵalanatyn 5 myńdaı barlanbaǵan ken orny bar. Osy rette atalǵan salany birlese ıgerý isinde elimiz senimdi seriktes bola alady. Búginde biz Eýropa Odaǵynyń ekonomıkasyna qajetti 30 sırek kezdesetin metaldyń 16-syn óndiremiz jáne Eýropa naryǵynyń fosforǵa degen qajettiliginiń 70 paıyzyn qamtamasyz etemiz. Elimizdiń aýmaǵynda ken oryndarynyń 9 túri bar. Tıisti ınvestıtsııa tabylsa, olardy ıgerýge bolady. Osyǵan oraı frantsýz kompanııalaryn ózara tıimdi seriktestik ornatýǵa shaqyramyz», – dedi Memleket basshysy.

Qasym-Jomart Toqaev agrarlyq azyq-túlik sektoryn yntymaqtastyqtyń taǵy bir basym baǵyty dep sanaıdy.

Prezıdent jahandyq azyq-túlik tapshylyǵy jaǵdaıynda elimiz aýyl sharýashylyǵy óniminiń eksportyn 2 ese arttyrýdy kózdep otyrǵanyn jetkizdi. Memleket basshysy mal sharýashylyǵy jáne egin sharýashylyǵy salalaryndaǵy birlesken jobalarǵa jan-jaqty qoldaý kórsetýge daıyn ekenin atap ótti.