Memleket basshysy jýyrdaǵy Joldaýynda Qazaqstandy tolyq tsıfrlyq memleketke aınaldyrýdy kózdeıtin mindet júktegenin aıtty. Bul úshin keshendi shara qabyldaý, sonyń ishinde kıberqaýipsizdik salasynda da aýqymdy jumys atqarý qajet.
— Jıyn barysynda qazirgi zamanǵy kıberqaterler men oǵan qarsy is-qımyl ádisteri, asa mańyzdy aqparattyq ınfraqurylymdy qorǵaý, kıberqaýipsizdik ındýstrııasyn damytý jáne kadr daıarlaý júıesin jetildirý máseleleri talqylandy, — delingen habarlamada.
Keńeste Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev pen Ulttyq qaýipsizdik komıtetiniń tóraǵasy Ermek Saǵymbaev baıandama jasady.
Prezıdent kıberqylmyspen, sonyń ishinde kıberalaıaqtyqpen kúrestiń mańyzyna toqtaldy.
Sonymen qatar kıberqylmystardy tergeýge qatysatyn memlekettik organdardyń quzyretin arttyrý sharalaryna basa nazar aýdardy.
Budan bólek, Qasym-Jomart Toqaev azamattardyń jeke derekterin qorǵaýdy jáne derbes málimetterdi taratqany úshin beriletin jazany kúsheıtýdi basty mindet retinde atady.
Sondaı-aq kıberortadaǵy qaýipsizdik pen jaýapty áreket qaǵıdattaryn halyqqa keńinen túsindirip, aldyn alý jumystaryn kúsheıtý qajet.
Otyrys sońynda Memleket basshysy strategııalyq táýekelderdi azaıtyp, kıberqaýipsizdik máselelerin júıeli túrde sheshý maqsatynda birqatar shara qabyldaýdy tapsyrdy.
Osyǵan deıin Prezıdent bokstan Álem chempıonatynda top jarǵan boksshylardy quttyqtaǵanyn jazǵan edik.