Memleket basshysy Qaratal tarıhı-ólketaný mýzeıin aralap kórdi

<p>Prezıdent aýdan ortalyǵy &ndash; Úshtóbe qalasyndaǵy Qaratal tarıhı-ólketaný mýzeıine bardy. Mýzeı bıyl paıdalanýǵa berilgen, dep habarlaıdy <a href="https://kaz.inform.kz/" target="_blank" rel="noopener">Kazinform</a> Aqordanyń <a href="https://t.me/aqorda_resmi" target="_blank" rel="noopener">baspasóz</a> qyzmetine silteme jasap.</p>

Jalpy aýdany 2520 sharshy metr bolatyn qos qabatty ǵımaratta ólke tarıhyna qatysty 350-ge jýyq eksponat qoıylǵan.

Foto: akorda.kz

Memleket basshysyna mýzeıdegi arheologııalyq artefaktiler, etnografııalyq jádigerler kórsetilip, Qaratal aýdanynyń tarıhy jáne jazýshy Kemel Toqaev, Qazaq SSR halyq ártisi Bıken Rımova, osy óńirden shyqqan aqyn-jyraýlar, bı-sheshender men elge eńbegi sińgen basqa da tulǵalar týraly tyń derekter tanystyryldy.

Prezıdent mýzeıde jergilikti zııaly qaýym ókilderimen júzdesý barysynda murajaıdy aralap shyqqanyn jáne ondaǵy jádigerlerdi kóbeıtý kerektigin atap ótti. Sondaı-aq qoǵam damýy úshin mundaı mádenı nysandardyń qajet ekenine nazar aýdardy. 

 Qasym-Jomart Toqaev Qaratal tarıhı-ólketaný mýzeıin aralap kórgennen keıin, Qurmetti qonaqtar kitabyna qoltańba qaldyrdy.

Osyǵan deıin Memleket basshysynyń jumys saparymen Jetisý oblysynda júrgenin habarladyq. 

Foto: akorda.kz

Foto: akorda.kz

Foto: akorda.kz

Foto: akorda.kz

Foto: akorda.kz