Memleket basshysy Iran Prezıdentine quttyqtaý jedelhatyn joldady

<p>ASTANA. KAZINFORM - Qasym-Jomart Toqaev Qazaqstan halqynyń jáne jeke óziniń atynan Ibrahım Raısı men ırandyqtardy tól merekesi &ndash; Islam revolıýtsııasy kúnimen quttyqtady, dep habarlaıdy Aqordanyń baspasóz qyzmeti.&nbsp;</p>

– Búginde Iran saıası tuǵyry berik, ekonomıkasy turaqty damyǵan halyqaralyq qaýymdastyqtyń bedeldi múshesi. Ult birligi men yntymaǵyn tý etken memleketińiz Sizdiń basshylyǵyńyzben aldaǵy ýaqytta da ıgi maqsat-murattarǵa jete berýine tilektespin. Iran – bizdiń Kaspıı aımaǵyndaǵy mańyzdy seriktesimizdiń biri. Osyǵan oraı dástúrli dostyq pen mazmundy saıası dıalogqa negizdelgen yqpaldastyǵymyz ózara tıimdi saýda-ekonomıkalyq jáne mádenı-gýmanıtarlyq yntymaqtastyǵymyzdy nyǵaıtýǵa berik arqaý bola beretinine kámil senemin, – dep jazylǵan jedelhatta.

Qasym-Jomart Toqaev Ibrahım Raısıdiń jaýapty qyzmetine tolaǵaı tabys, al dostas Iran halqyna qut-bereke tiledi.