Prezıdent strategııalyq mańyzy bar jobalarǵa jeke ınvestıtsııa tartýdy tapsyrdy

<p>ASTANA. KAZINFORM &ndash; Prezıdent Qasym-Jomart Toqaev búgingi Úkimettiń keńeıtilgen otyrysynda Infraqurylym josparyn qaıta qaraýdy tapsyrdy.</p>

«Elimizge aýqymdy ınvestıtsııa tartýdyń taǵy bir mańyzdy sharty – Ulttyq ınfraqurylym jospary. Bul qujat sapaly ázirlenýge tıis. Oıǵa kelgenniń bárin bir qujatqa jınaqtap, sosyn bıýdjetten qarjy bólinbedi dep syltaý aıtý – qolyńnan túk kelmeıtinin moıyndaý degen sóz», - dedi Prezıdent.

Memleket basshysy Úkimetke Infraqurylym josparyn qaıta qaraýdy tapsyrdy.

«Negizgi basymdyqtardy aıqyndap, strategııalyq mańyzy bar jobalarǵa jeke ınvestıtsııa tartý máselesin muqııat oılastyrý kerek. Tek asa qajet bolǵan jaǵdaıda ǵana qarjylaı qoldaý sharalaryn qarastyrǵan jón», - dedi Qasym-Jomart Toqaev.

Buǵan deıin Memleket basshysy iri ınvestorlarǵa, iri kompanııalarǵa «bir tereze» qaǵıdasymen jan-jaqty qoldaý kórsetýdi tapsyrǵan edi.