Memleket basshysy Helen Klarkty qabyldady
Kezdesýde Qasym-Jomart Toqaev Qazaqstan 2007 jyly atalǵan uıymǵa múshe bolǵannan beri ÓSAB standarttaryn saqtaýǵa beıildigin kórsetip kele jatqanyn atap ótti. Elimizde jer qoınaýyn paıdalanýshylardyń uıym talaptaryn saqtaý mindettemeleri jáne bıýdjetke aýdaratyn salyq pen basqa da tólemderi boıynsha esebi zańnamalyq deńgeıde bekitildi.
Prezıdent Uıym basshysyna geologııalyq barlaý men ken óndirý salasynda qabyldanǵan retteý sharalary týraly aqparat berdi. Atap aıtqanda, salany damytýdyń keshendi jospary qabyldanyp, ınteraktıvti karta men 50 myńnan asa geologııalyq esepter qamtylǵan Jer qoınaýyn paıdalanýdyń biryńǵaı platformasy iske qosyldy. Budan bólek, bıznestiń barlaý jáne óndirý jumystaryna lıtsenzııa alý tártibi jeńildetildi.
Helen Klark uıymnyń aldaǵy kezeńge arnalǵan strategııalyq josparymen jáne basym baǵyttarymen bólisti. Ol Qazaqstannyń jer qoınaýyn paıdalanýǵa qatysty zańnamalyq aktilerin jetildirý jumystaryn joǵary baǵalady. Bul ken óndirý ónerkásibiniń ashyqtyǵyn qamtamasyz etý talaptaryn oryndaýǵa múmkindik beredi.