Memleket basshysy Ǵylym jáne joǵary bilim mınıstri Saıasat Nurbekti qabyldady
Kezdesý barysynda Qasym-Jomart Toqaevqa joǵary bilim jáne ǵylym júıesin damytýǵa baǵyttalǵan birqatar bastama men jobalar tanystyryldy.
Mınıstr elimizde osy ýaqytqa deıin sheteldik joǵary oqý oryndarynyń 25 fılıaly ashylǵanyn aıtty. Sheteldik seriktestermen aımaqtardaǵy memlekettik ýnıversıtetterdi halyqaralyq bilim berý standarttary bar zertteý ýnıversıtetterine aınaldyrý týraly kelisimderge qol jetkizilgen.
Bıyl stýdentterge qarjylaı qoldaý kórsetýdiń jańa tetikteri engizile bastady. Olardyń qataryna «Keleshek» biryńǵaı erikti jınaqtaý júıesin, «Ulttyq qor – balalarǵa» baǵdarlamasyn, jeńildetilgen bilim berý nesıesi men dıfferentsııalanǵan granttardy jatqyzýǵa bolady. Atalǵan sharalar halyqtyń barlyq sanatyna joǵary bilimniń qoljetimdi bolýyn qamtamasyz etýge baǵyttalǵan.
Saıasat Nurbek jasandy ıntellektini damytý jónindegi Prezıdent tapsyrmalarynyń oryndalýy týraly esep berdi. Onyń aıtýynsha, qazir 8 joǵary oqý ornynda 15 bilim berý baǵdarlamasy boıynsha 2000-nan astam stýdent jasandy ıntellekt salasyn oqyp jatyr. Tsıfrlyq ekonomıkaǵa beıimdelgen kadrlardyń áleýetin damytý úshin Google, Nvidia, Coursera, 01 Edu System jáne Huawei sııaqty transulttyq kompanııalarmen yntymaqtastyq ornatylǵan. Sondaı-aq jasandy ıntellekt salasynda mamandar daıarlaý úshin «Bolashaq» baǵdarlamasy arqyly jyl saıyn 100 stıpendııa bólý josparlanyp otyr.
Kezdesý sońynda Memleket basshysy jataqhanalar salý, joǵary bilim men ǵylym ınfraqurylymyn odan ári damytý jóninde birqatar tapsyrma berdi.