Memleket basshysy Germanııanyń Federaldyq kantslerimen keńeıtilgen quramda kelissóz júrgizdi

<p>Prezıdent Qasym-Jomart Toqaev erekshe qurmet kórsetkeni úshin Germanııanyń Federaldyq kantsleri Olaf Sholtske rızashylyǵyn bildirip, elimizdiń Eýropa Odaǵyndaǵy negizgi seriktesi &ndash; Germanııamen aradaǵy yntymaqtastyqty damytýǵa Qazaqstan aıryqsha mán beretinine nazar aýdardy, dep habarlaıdy <a href="https://kaz.inform.kz/" target="_blank" rel="noopener">QazAqparat </a>Aqordanyń <a href="https://t.me/aqorda_resmi" target="_blank" rel="noopener">baspasóz</a> qyzmetine silteme jasap.&nbsp;</p>

Memleket basshysynyń aıtýynsha, Astana men Berlın barlyq deńgeıde belsendi ári ózara senimdi saıası dıalog júrgizip kele jatyr jáne kópjaqty alańdar aıasynda tyǵyz qarym-qatynas ornatqan.

Búginde Germanııa – Qazaqstan ekonomıkasyna qarjy quıǵan jetekshi ınvestorlardyń jáne eń iri saýda seriktesteriniń biri. Germanııanyń Ortalyq Azııa óńirimen saýda-sattyǵynyń shamamen 83 paıyzy Qazaqstannyń úlesine tıesili. 2022 jyldyń qorytyndysy boıynsha ekijaqty taýar aınalymy 25 paıyzǵa ósip, 2,8 mıllıard dollardy qurady.

Memleket basshysy saýda-ekonomıkalyq baılanystardy odan ári nyǵaıtýdyń áleýeti zor jáne otandyq naryqqa Germanııa bıznesiniń barynsha kóbirek kelýi úshin Qazaqstan barlyq qajetti jaǵdaıdy jasaýǵa daıyn ekenin atap ótti. Munaı-gaz hımııasy, sırek kezdesetin metallýrgııa ónerkásibi, «jasyl» energetıka, kólik jáne logıstıka, aýyl sharýashylyǵy salalary basym baǵyttar retinde anyqtaldy.

Qasym-Jomart Toqaev naqty qadam retinde jeke nemis ınvestorlary qatysatyn jobalardy qarjylandyrý boıynsha ekijaqty Jumys tobynyń qoldaýymen Shıkizatty birlese ıgerý jobalaryn iske asyrý jónindegi konsortsıým qurýdy usyndy.

Kólik-tranzıt salasyndaǵy yntymaqtastyqty nyǵaıtýǵa erekshe nazar aýdaryldy.

Qasym-Jomart Toqaev Germanııa tarapyn Transkaspıı baǵytynyń áleýetin paıdalanýǵa, sondaı-aq Kaspııdegi Aqtaý jáne Quryq porttarynyń ınfraqurylymyn damytý isine qatysýǵa shaqyrdy.

Sonymen qatar nemis tarapyn jańartylatyn energııa kózderin, sonyń ishinde «jasyl» sýtegin damytý úshin anaǵurlym tyǵyz qarym-qatynas ornatýǵa úndedi.

Bul rette Mańǵystaý oblysynda Svevind Energy nemis-shved kompanııasymen birlesip júzege asyrylyp jatqan «jasyl» sýtegin óndirý jobasynyń mańyzdylyǵy atap ótildi.

Sonymen qatar Prezıdent nemis áriptesteriniń nazaryn Qazaqstan azamattaryna qatysty vıza rejımin jeńildetý múmkindikterine aýdardy.

Óz kezeginde Federaldyq kantsler Olaf Sholts Germanııa tarapynyń Qazaqstanmen jan-jaqty yntymaqtastyqty keńeıtýge múddeli ekenin rastady. Kantsler Qazaqstanda júrgizilip jatqan aýqymdy saıası jáne áleýmettik-ekonomıkalyq reformalardy tolyq qoldaıtynyn ári oǵan oń baǵa beretinin jetkizdi. Kantslerdiń pikirinshe, zań ústemdigin qamtamasyz etý – eldi ornyqty damytýdyń jáne sheteldik ınvestorlardy qoldaýdyń eń basty sharty.

Germanııa tarapy Qazaqstanmen aradaǵy saýda-ekonomıkalyq jáne ınvestıtsııalyq baılanystardy nyǵaıtýǵa daıyn ekenin naqtylady. Atap aıtqanda, munaı jetkizý kólemin ulǵaıtýǵa, jetkizý tizbegin ártaraptandyrýǵa jáne ınfraqurylymdyq jobalardy iske asyrýǵa qyzyǵýshylyq tanytty. Sondaı-aq «Jasyl» energetıkany paıdalaný jáne klımat máselesin birlesip ilgeriletý baǵytynda qarqyndy qarym-qatynasty jolǵa qoıý qajet ekenine nazar aýdardy. Eki eldiń shaǵyn jáne orta bıznes ókilderi úshin qolaıly jaǵdaı jasaý maqsatynda birlesken jumysty jandandyrýǵa basa mán berildi.

Osyǵan deıin Memleket basshysynyń Germanııa Kantsleri Olaf Sholtspen kezdeskenin jazdyq.