Memleket basshysy Frantsııa elshisi Sılvan Gıogeni qabyldady

<p>ASTANA. KAZINFORM &ndash; Prezıdent Qasym-Jomart Toqaev Frantsııa elshisin jańa qyzmetimen quttyqtap, onyń dıplomatııalyq mıssııasy ekijaqty qatynastardyń óte belsendi damý kezeńimen tuspa-tus kelip otyrǵanyn atap ótti, dep habarlaıdy Aqordanyń baspasóz qyzmeti.</p>

Memleket basshysy Qazaqstannyń Frantsııamen aradaǵy yntymaqtastyqty jan-jaqty tereńdetýge nıetti ekenin jetkizip, elshi Sılvan Gıogeniń jaýapty qyzmetine tabys tiledi.

Kezdesýde Qazaqstan Prezıdenti Qasym-Jomart Toqaevtyń aldaǵy ýaqytta Frantsııa Respýblıkasyna jasaıtyn memlekettik saparynyń jaı-japsary talqylandy.

Prezıdent atalǵan sapar Astana men Parıj arasyndaǵy baılanystardyń keleshegin aıqyndap, qazaq-frantsýz strategııalyq seriktestiginiń nyǵaıýyna tyń serpin beretinine senim bildirdi.

Osyǵan deıin Memleket basshysy Qasym-Jomart Toqaevtyń Prezıdent Emmanıýel Makronnyń shaqyrýymen 4-5 qarasha kúnderi Frantsııa Respýblıkasyna memlekettik saparmen baratynyn jazdyq.