Memleket basshysy Emomalı Rahmondy Tájikstannyń Táýelsizdik kúnimen quttyqtady

<p><strong>&nbsp;ALMATY. KAZINFORM &mdash; Prezıdent </strong><strong data-entity-type="MessageEntityBold">Qasym-Jomart Toqaev Emomalı Rahmondy Tájikstannyń Táýelsizdik kúnimen quttyqtady.&nbsp;</strong></p>

Memleket basshysy quttyqtaý jedelhatynda Prezıdent Emomalı Rahmonnyń parasatty kóshbasshylyǵymen Tájikstannyń mańyzdy saıası jáne áleýmettik-ekonomıkalyq reformalardy júıeli túrde júzege asyryp, memlekettilikti nyǵaıtý jolynda senimdi qadam basyp kele jatqanyn, halyqaralyq arenada abyroıy joǵary ekenin atap ótti. 

Qasym-Jomart Toqaev Táýelsizdik jyldarynda Qazaqstan men Tájikstan strategııalyq seriktestik jáne odaqtastyq rýhyndaǵy ózara tıimdi qarym-qatynas ornatqanyn, bul eki halyqtyń múddesine saı keletinin jetkizdi.

Memleket basshysy Tájikstan Prezıdentiniń jaýapty memlekettik qyzmetine tabys, al baýyrlas tájik halqyna baq-bereke tiledi.