Dúnıejúzilik bank Qazaqstanda 5 iri jobany júzege asyryp jatyr

<p>ASTANA. KAZINFORM &mdash; Memleket basshysy Qasym-Jomart Toqaev One Water sammıti aıasynda Dúnıejúzilik bank tobynyń prezıdenti Adjaı Bangamen kezdesti, dep habarlaıdy <a href="https://akorda.kz/kz/memleket-basshysy-duniezhuzilik-bank-tobynyn-prezidenti-adzhay-bangamen-kezdesti-3111520" target="_blank" rel="noopener">Aqorda.</a></p>

Memleket basshysy elimizdiń Dúnıejúzilik bankpen strategııalyq seriktestiginiń mánin erekshe atap ótti. Prezıdenttiń aıtýynsha, búginde qarjy ınstıtýtymen birlese sý resýrstary, kólik jáne bilim berý salalarynda jalpy quny 3,5 mıllıard dollar bolatyn bes iri joba júzege asyrylyp jatyr.

Memleket basshysy Dúnıejúzilik banktiń Kólik joldarynyń ornyqtylyǵy men baılanysyn jetildirý baǵdarlamasy (TRACE) sheńberinde atqarylatyn qazaqstandyq jobaǵa 650 mıllıon dollar kóleminde qarjy bólý týraly sheshimin quptady. Bul rette Qasym-Jomart Toqaev Orta dálizdi damytýǵa, atap aıtqanda, Jezqazǵan — Qaraǵandy avtomagıstraliniń qurylysyna salynatyn ınvestıtsııanyń strategııalyq mańyzyna nazar aýdardy.

Foto: Aqorda

Adjaı Banga Dúnıejúzilik banktiń Qazaqstanmen aradaǵy yqpaldastyq deńgeıine joǵary baǵa berip, ózara tıimdi seriktestikti nyǵaıtýǵa daıyn ekenin rastady. Atap aıtqanda, bank ekonomıkanyń túrli salasynda birlesken iri jobalardy júzege asyrýǵa múddeli.

Qasym-Jomart Toqaev ekijaqty dıalogty jandandyryp, birlesken jumystyń uzaqmerzimdi perspektıvasyn aıqyndaý úshin Adjaı Bangany Qazaqstanǵa saparmen kelýge shaqyrdy.

Eske salsaq, búgin Memleket basshysy Qasym-Jomart Toqaev One Water sammıtine qatysý úshin Saýd Arabııasyna jumys saparymen bardy.