Memleket basshysy buqaralyq aqparat quraldary qyzmetkerlerin merekemen quttyqtady

<p>ASTANA. KAZINFORM &ndash;&nbsp;<strong>Memleket basshysy Qasym-Jomart Toqaev buqaralyq aqparat quraldary qyzmetkerlerin </strong><strong>merekemen quttyqtady.</strong><strong> </strong><strong>Bul týraly Aqordanyń baspasóz qyzmeti habarlady.</strong></p>

«Qurmetti jýrnalıster!

Buqaralyq aqparat quraldarynyń qyzmetkerleri!

Sizderdi kásibı merekelerińizben quttyqtaımyn! Elimizdiń buqaralyq aqparat quraldary qoǵam sanasyn jańǵyrtyp, ult tutastyǵyn nyǵaıtý jolynda aıryqsha ról atqarady. Baspasóz salasyn damytý, sondaı-aq jýrnalısterdiń quqyqtary men zańdy múddelerin qorǵaý – memlekettiń mańyzdy mindetiniń biri.

Qazaq jýrnalıstıkasynyń taǵylymdy tarıhy, aǵa býyn qalyptastyrǵan erekshe qoltańbasy bar. Biz onyń baı shejiresi men aǵartýshylyq dástúrin barynsha saqtaýymyz qajet. Búgingi aqparat salasynyń ókilderi osy sabaqtastyqty laıyqty jalǵastyryp, ózine júktelgen jaýapty mıssııany abyroımen atqaryp keledi.

Sizder qaı kezde de halyqqa shynaıy ári jedel habar taratyp, kásibı biliktiliktiń ozyq úlgisin kórsetip júrsizder. Bolashaqta da eldik máselelerdi kóterip, ulttyq qundylyqtardy nasıhattaýǵa belsene atsalysa beresizder dep senemin. Barshańyzǵa baq-bereke, tolaǵaı tabys, shyǵarmashylyq shabyt tileımin!», - dep jazylǵan Prezıdent quttyqtaýynda.