Memleket basshysy Brazılııa Prezıdentine kóńil aıtý jedelhatyn joldady

<p>ASTANA. KAZINFORM &mdash; Qasym-Jomart Toqaev&nbsp;<strong>Brazılııanyń San-Paýlý shtatynda jolaýshylar ushaǵy apatqa ushyrap, saldarynan kóptegen adamnyń qaza tabýyna baılanysty</strong> Prezıdent Lýıs Inasıý Lýla da Sılvaǵa kóńil aıtty. Bul týraly Aqordanyń baspasóz qyzmeti málim etti.&nbsp;</p>

– Osyndaı aýyr sátte qaıǵy-qasiretterińizge ortaqtasyp, Qazaqstan halqynyń jáne jeke óz atymnan Sizge jáne jaqyndarynan aıyrylǵan otbasylarǵa, sondaı-aq dostas Brazılııa halqyna kóńil aıtamyn, – dep jazylǵan jedelhatta.

Eske sala keteıik, keshe Brazılııanyń San-Paýlý qalasyna jaqyn jerde Voepass kompanııasynyń jolaýshylar ushaǵy apatqa ushyraǵanyn jazǵan bolatynbyz. Kompanııanyń habarlaýynsha, ushaqta 61 adam bolǵan. Jergilikti bılik jolaýshylar men ekıpaj músheleriniń eshqaısysy tiri qalmaǵanyn jarııalaǵan edi.