Memleket basshysy Ázerbaıjan Prezıdentimen kelissóz júrgizdi

<p>BAKÝ. KAZINFORM &ndash; Qasym-Jomart Toqaev Ilham Álıevti Ázerbaıjan Prezıdenti saılaýyndaǵy aıqyn jeńisimen jáne bıyl Bakýde SOR 29 sammıtin ótkizý múmkindigine ıe bolýymen quttyqtady.</p>

Prezıdent Qazaqstan men Ázerbaıjan yntymaqtastyǵynyń mazmuny baıyp, birlesken iri jobalarmen tolyǵa túskenin jáne qarqyndy damyp kele jatqanyn joǵary baǵalady.

Ázerbaıjan Prezıdenti Qazaqstanmen aradaǵy baýyrlastyq baılanystardyń bekı túskenin aıtty.

Kelissóz barysynda taraptar saýda-ekonomıkalyq, kólik-tranzıttik, energetıkalyq, mádenı-gýmanıtarlyq yntymaqtastyq, sondaı-aq tsıfrlandyrý, azyq-túlik qaýipsizdigi jáne jańartylatyn energııa kózderi salalaryndaǵy yqpaldastyq máselelerin talqylady.

Sonymen qatar eki el ekonomıkasynyń damýyna tyń serpin beretin ınvestıtsııalyq jobalardy iske asyrý perspektıvasy qarastyryldy.

Buǵan deıin habarlaǵanymyzdaı, Qazaqstan Prezıdenti Ázerbaıjan Respýblıkasyna memlekettik saparmen bardy. Qasym-Jomart Toqaevty Ázerbaıjan Prezıdenti «Zagýlbada» qarsy aldy.