Memleket basshysy baýyrlas, odaqtas Ázerbaıjan eline qarsy jasalǵan áreketti qatań aıyptaıdy.
Prezıdent bolǵan oqıǵanyń mán-jaıy Iran tarapymen birlesip egjeı-tegjeıli tergeletinine, sondaı-aq eki el arasyna syzat salǵan jaǵdaı aımaqtaǵy ahýaldy ýshyqtyrmaý úshin dıplomatııalyq tásilder arqyly retteletinine senim bildirdi.
Buǵan deıin Ázerbaıjannyń Nahchyvan avtonomııalyq respýblıkasynda pılotsyz ushý apparattary (PUA) apatqa ushyraǵanyn jazǵan bolatynbyz. Aldyn ala málimet boıynsha, olar Iran qarýly kúshterine tıesili
BAQ habarlamalaryna sáıkes, oqıǵa Nahchyvan halyqaralyq áýejaıy men oǵan jaqyn ornalasqan aýyldardyń mańynda bolǵan. Drondardyń biri Nahchyvan halyqaralyq áýejaıynyń termınal ǵımaratyna, al ekinshisi Shekerabad aýylyndaǵy mekteptiń mańyna qulaǵan.
Oqıǵa saldarynan eki beıbit turǵyn jaraqat aldy. Qutqarý qyzmetteri men órt sóndirýshiler oqıǵa ornyna dereý jetti, zalaldy baǵalaý jáne tazalaý jumystary júrgizilip jatyr.