Arab úılestirý toby ózin Qazaqstannyń strategııalyq seriktesi retinde kórsetti - Prezıdent

<p>ASTANA. KAZINFORM — Prezıdent Qasym-Jomart Toqaev Saýd damý qorynyń bas dırektory Sultan Abdýlrahman ál-Marshadpen, Abý Dabı damý qorynyń operatsııalar jónindegi dırektory Adel Abdýlla Halaf Shams ál-Hosanımen, Arab ekonomıkalyq damýy Kýveıt qory bas dırektory orynbasarynyń mindetin atqarýshy Rashaıd ál-Badermen jáne Qatar damý qorynyń strategııalyq ınvestıtsııa máseleleri jónindegi basqarýshysy Haııa Bınt Abdýlrahman Ál Tánımen kezdesý ótkizdi.</p>

Foto: Aqorda

Memleket basshysy Qazaqstan men Shyǵanaq elderi arasynda saıası, saýda-ekonomıka salalary boıynsha ózara tıimdi jáne berik qarym-qatynas ornaǵanyn atap ótti. 

Sonymen qatar Arab elderimen jan-jaqty baılanys naqty kelisimsharttarmen jáne kelisimdermen bekitilgen. Oǵan ózara saparlar jáne joǵary deńgeıdegi kelissóz barysynda qol jetkizilgen bolatyn.

Foto: Aqorda

Prezıdenttiń aıtýynsha, Arab úılestirý toby ózin Qazaqstannyń strategııalyq seriktesi retinde kórsetti.

Bul rette Qasym-Jomart Toqaev elimizde 2029 jylǵa qaraı keminde 150 mıllıard dollar kóleminde tikeleı sheteldik ınvestıtsııa tartýdy maqsat etetin jańa ınvestıtsııalyq kezeń bastalǵanyn aıtty.

Foto: Aqorda

Arab úılestirý toby qorlarynyń basshylary Qazaqstan Úkimeti múshelerimen jáne bıznes qaýymdastyǵynyń ókilderimen ekijaqty ári kópjaqty kelissózdiń tabysty ótkenin jetkizdi. 

Onda ekonomıkanyń basym baǵyttarynda birlesken ınfraqurylymdyq jáne ındýstrıaldyq jobalardy qarjylandyrý men damytý máseleleri qarastyrylǵan.