Qazaqstan men Mońǵolııa prezıdentteri birlesken deklaratsııaǵa qol qoıdy

<p>ULAN-BATYR. KAZINFORM &mdash; Kelissózder aıaqtalǵannan keıin memleketter basshylary Strategııalyq seriktestik ornatý týraly birlesken deklaratsııaǵa qol qoıdy. Sodan keıin qol qoıylǵan qujattardy almasý rásimi ótti. Bul týraly Aqordanyń baspasóz qyzmeti málim etti.&nbsp;</p>

Qazaqstan Respýblıkasynyń Prezıdenti Qasym-Jomart Toqaevtyń Mońǵolııaǵa memlekettik sapary aıasynda eki el delegatsııalary tómendegideı qujattarǵa qol qoıdy:

1. Qazaqstan Respýblıkasynyń Úkimeti men Mońǵolııa Úkimeti arasyndaǵy zeınetaqy salasyndaǵy yntymaqtastyq týraly kelisim;

2. Qazaqstan Respýblıkasy men Mońǵolııa arasyndaǵy 2025-2027 jyldarǵa arnalǵan saýda-ekonomıkalyq yntymaqtastyqty jandandyrý jónindegi jol kartasy;

3. Qazaqstan Respýblıkasynyń Úkimeti men Mońǵolııa Úkimeti arasyndaǵy avıatsııalyq izdestirý jáne qutqarý salasyndaǵy yntymaqtastyq týraly kelisim;

4. Qazaqstan Respýblıkasynyń Kólik mınıstrligi men Mońǵolııanyń Jol jáne kólik salasyn damytý mınıstrligi arasyndaǵy avtomobıl joldaryn damytý týraly memorandým;

5. Qazaqstan Respýblıkasynyń Syrtqy ister mınıstrligi men Mońǵolııanyń Syrtqy ister mınıstrligi arasyndaǵy 2025-2027 jyldarǵa arnalǵan yntymaqtastyq týraly jospar;

6. Qazaqstan Respýblıkasynyń Mádenıet jáne aqparat mınıstrligi men Mońǵolııanyń Mádenıet, sport, týrızm jáne jastar isi jónindegi mınıstrligi arasyndaǵy mádenıet salasyndaǵy yntymaqtastyq týraly memorandým;

7. Qazaqstan Respýblıkasynyń Týrızm jáne sport mınıstrligi men Mońǵolııanyń Mádenıet, sport, týrızm jáne jastar isi jónindegi mınıstrligi arasyndaǵy týrızm salasyndaǵy yntymaqtastyq týraly memorandým;

8. Qazaqstan Respýblıkasynyń Aýyl sharýashylyǵy mınıstrligi men Mońǵolııanyń Azyq-túlik, aýyl sharýashylyǵy jáne jeńil ónerkásip mınıstrligi arasyndaǵy yntymaqtastyq týraly memorandým;

9. Qazaqstan Respýblıkasynyń Aýyl sharýashylyǵy mınıstrligi Veterınarııalyq baqylaý jáne qadaǵalaý komıteti men Mońǵolııanyń Bas veterınarııalyq basqarmasy arasyndaǵy veterınarııa qyzmeti jáne karantın salasyndaǵy ózara túsinistik týraly memorandým;

10. Qazaqstan Respýblıkasynyń Tsıfrlyq damý, ınnovatsııalar jáne aeroǵarysh ónerkásibi mınıstrligi men Mońǵolııanyń Tsıfrlyq damý, ınnovatsııalar jáne kommýnıkatsııalar mınıstrligi arasyndaǵy yntymaqtastyq týraly memorandým;

11. Qazaqstan Respýblıkasynyń Energetıka mınıstrligi men Mońǵolııanyń Atom energııasy jónindegi komıssııanyń atqarýshy keńsesi arasyndaǵy atom energetıkasy salasyndaǵy yntymaqtastyq týraly memorandým.

Eske salsaq, 28-29 qazan kúnderi Prezıdent Qasym-Jomart Toqaev Mońǵolııaǵa memlekettik saparmen baratynyn habarladyq.

Memleket basshysy Prezıdent Ýhnaagıın Hýrelsýhpen kelissóz júrgizedi. Sondaı-aq Mońǵolııanyń Uly Memlekettik Hýralynyń Tóraǵasy Dashzegvıın Amarbaıasgalanmen jáne Premer-mınıstr Lývsannamsraın Oıýýn-Erdenemen kezdesedi. Myńdaǵan jyldarǵa sozylǵan tarıhı baılanysy bar eki halyqtyń qazir túrli saladaǵy qarym-qatynasy jaqsy deńgeıde. Eki el basshysynyń kezekti kezdesýinde saıası jáne ekonomıkalyq baılanystardy nyǵaıtý jaıy talqylanyp, birqatar kelissóz ótýi múmkin ekeni aıtyldy.

Sonymen qatar Qazaqstan men Mońǵolııaǵa arasyndaǵy uzaq jylǵy baılanys týraly Kazinform tilshisiniń materıalynan oqýǵa bolady.