Memleket basshylary aýysa berer, biraq halyqtar, ásirese kórshiles halyqtar beıbitshilik pen ózara túsinistikte ómir súrýi kerek - Prezıdent

<p>ASTANA. KAZINFORM &ndash; Prezıdent Qasym-Jomart Toqaev pen GFR Kantsleri Olaf Sholts kelissózder barysynda halyqaralyq jáne aımaqtyq kún tártibindegi ózekti máseleler jóninde pikir almasty.</p>

Budan bólek, Ýkraına tóńiregindegi jaǵdaıǵa nazar aýdaryldy.

– Memleketter basshylary keledi, ketedi. Al halyq, ásirese kórshiles halyqtar beıbit ári bir-birimen túsinisip ómir súrýi kerek. Qazaqstannyń Reseımen dúnıe júzi boıynsha qurlyqtaǵy eń uzyn shegendelgen shekarasy bar. Bizdiń elderimiz arasyndaǵy yntymaqtastyq strategııalyq seriktestik pen odaqtastyq aıasynda damyp keledi. Qazaqstandyqtar ýkraın halqy men onyń tól mádenıetine shynaıy qurmetpen qaraıdy. Qazaqstan men Ýkraına arasynda eshqandaı kelispeýshilik bolǵan emes. Kıevte Elshiligimiz áli de jumys istep jatyr, – dedi Qazaqstan Prezıdenti.

Aıta keteıik, keshe Qasym-Jomart Toqaev Olaf Sholtsti Aqordada qarsy aldy.

Qasym-Jomart Toqaev pen Olaf Sholts yntymaqtastyq týraly Birlesken deklaratsııa qabyldady.

Memleket basshysy Germanııanyń iri bıznes ókilderimen kezdesti.

Sodan soń «Qazaqstan – Germanııa» bıznes forýmy aıasynda birqatar qujatqa qol qoıylǵan bolatyn.

Elimizde Germanııanyń qandaı ýnıversıtetteriniń fılıaly ashylatyny belgili boldy.

Bıylǵy jeti aıda Qazaqstan men Germanııa arasyndaǵy saýda-sattyq kólemi 2,3 mıllıard dollardan asty.