Memleket bashysy jahandyq ahýal jóninde: Qaýipti desek qatelespeımiz

ASTANA. QazAqparat – Búgin Aqordada jaıylǵan aýyzashar dastarhany barysynda Memleket basshysy Qasym-Jomart Toqaev adamzatqa meıirimdilik, janashyrlyq, qamqorlyq sııaqty qasıetter jetispeı jatqanyn aıtty, dep habarlaıdy QazAqparat.

«Bárimiz de – musylman balasymyz. Haq dinimizdiń qundylyqtaryn bilemiz. Ony saqtaýǵa, ómirlik ustanym etýge tyrysamyz.
Qazirgi jahandyq ahýaldy barshańyz kórip otyrsyzdar. Bul ahýal asa kúrdeli, tipti qaýipti desek qatelespeımiz. Syn-qaterler óte kóp. Meıirimdilik, janashyrlyq, qamqorlyq sııaqty qasıetter jetispeı jatyr. Adamzat úshin óte qaýipti bul úrdisti toqtatýǵa bárimiz kúsh salýymyz kerek. Ol úshin osy asyl qasıetterdi árqaısymyz júregimizde saqtaýymyz qajet dep sanaımyn. Sondaı-aq ony kúndelikti is-áreketpen, kórkem minezben kórsetken abzal. Menińshe ár musylman úshin qasıetti Ramazan aıynyń mán-mańyzy – osynda.
Barshańyzǵa amandyq tileımin!
Elimizdiń bereke-birligi arta bersin!
Duǵa-tilekterińiz qabyl bolsyn!», - dedi Prezıdent.

Aıta keteıik, búgin «Aqorda» rezıdentsııasynda Memleket basshysynyń atynan berilgen aýyzasharǵa memleket jáne qoǵam qaıratkerleri, ǵalymdar, dárigerler, muǵalimder, etnomádenı birlestikterdiń ókilderi, dıplomatııalyq ókildikterdiń basshylary, mádenıet qaıratkerleri, qutqarýshylar, eńbek adamdary qatysty.