Memleket azamattarymyzdyń laıyqty ómirin qamtamasyz etýi qajet - Elbasy
"2017 jyldan bastap áleýmettik saıasat vektoryn kúsheıtý boıynsha sharalarǵa bastamashylyq jasadyq. Olardy taǵy da esterińizge salǵym keledi: kiristerdi arttyrý jáne halyqtyń az qamtylǵan tobyna qoldaý kórsetý. «Nur Otan» partııasynyń 18-shi sezinde men bıýdjettik tómen jalaqy alatyn qyzmetkerlerdiń jalaqysyn 30 paıyzǵa deıin, atqarýshy organdardyń tómengi qyzmetkerleriniń jalaqysyn 25 paıyzǵa deıin kóterýdi tapsyrdym. Oǵan deıin 2017 jáne 2018 jyldary zeınetaqy men járdemaqy kólemin kóterdik. Al jalaqysy tómen 2 mln qyzmetkerge salyq tómendetildi", - dedi Elbasy.
Nursultan Nazarbaev memleket tarapynan az qamtylǵan jáne kópbalaly otbasylardy qoldaýǵa aıryqsha nazar aýdarylyp otyrǵanyn basa aıtty. Sonymen qatar jappaı kásipkerlikti, ónimdi eńbekti damytý saıasaty jalǵasyp jatqanyn atap ótti.
"Naryqtyq ekonomıka jaǵdaıynda ómir súrgennen keıin adam óz eńbegimen ál-aýqatyn jasaýy tıis. Al memlekettiń №1 mindeti - adamǵa jumys pen laıyqty tabys usyný. Ol "balalarymyz dúnıege keldi, aqsha berińizder" dep tilenbeı ómir súrip, otbasyn asyraı alýy qajet. Sol úshin ata-anasyna jaqsy jalaqy, jaǵdaı men jeńildikter jasaý qajet. Memleket azamattarymyzdyń laıyqty ómirin qamtamasyz etýi qajet", - dedi N.Nazarbaev.