Memleket 6 aıda otandyq farmatsevterden 26,5 mlrd teńgeniń dárisin satyp alǵan

<p>ASTANA. KAZINFORM &ndash; Eldegi dári-dármek óndirisiniń kólemi bir jyldyń ishinde 14,5 paıyz artqan. Bul jaıynda Densaýlyq saqtaý mınıstri Aqmaral Álnazarova Úkimet otyrysynda aıtty.</p>

«Dárilik zattar men medıtsınalyq buıymdardy satyp alý kezinde otandyq óndirýshilerge basym túrde qolaıly jaǵdaılar jasaldy. Osynyń nátıjesinde, jyldyń 6 aıynda 29,5 mlrd teńge somasyna 196 túrli dárilik zat jetkizildi», - dedi Aqmaral Álnazarova.

Mınıstrdiń sózinshe, birinshi jartyjyldyqta otandyq farmatsevtıkalyq óndiris kólemi 95 mlrd teńge bolyp, byltyrǵymen salystyrǵanda 14,5 % artqan.

«Búgingi tańda 35 otandyq óndirýshimen 4 myńǵa jýyq farmatsevtıkalyq ónimdi jetkizý týraly 94 uzaq merzimdi sharttar jasaldy. Jyldyń sońyna deıin qalǵan 24 otandyq óndirýshimen uzaq merzimdi shart jasaý arqyly 1 412 túrli dárilik zat pen medıtsınalyq buıym satyp alý josparlanǵan», - dedi vedomstvo basshysy.