Memqyzmetterdiń 80 paıyzy elektrondy nusqada bolýy kerek - Nurgúl Maýberlınova
Memleket basshysy jarııa etken Joldaýdyń basty baǵyttaryna toqtalǵan Nurgúl Óserbaıqyzy mınıstrlik aınalysatyn baǵyttardyń biri memlekettik qyzmet salasy ekendigin, qoǵamnyń memleketke degen senimi kóp jaǵdaıda osy qyzmettiń sapasyna sáıkes aıqyndalatynyn jetkizdi.
Osy maqsatta Úkimettiń elektrondy portaly iske qosyldy, tek ótken jyly 34 mln memlekettik qyzmet kórsetildi.
«Qazirgi kezde Elbasy Joldaýy men «Tsıfrlyq Qazaqstan» baǵdarlamasynda belgilengen tapsyrmalardy sapaly ári merziminde oryndaýǵa tolyq múmkindik bar», - dedi vıtse-mınıstr.
Nurgúl Maýberlınova óńirge sapary barysynda mamandandyrylǵan halyqqa qyzmet kórsetý ortalyǵy men «Qoljetimdi ákimdikte» bolyp, ondaǵy qyzmet sapasyn joǵary baǵalady. Memlekettik qyzmetti avtomattandyrý turǵyndar úshin asa tıimdi bolyp otyr. ıAǵnı elektrondy qoly bolsa, árkim óziniń úıinde otyryp-aq, eshqandaı ýaqyt shyǵyndamastan, kez kelgen memqyzmet túrin ala alady. Kúni búgin 452 qyzmet túri dástúrli jáne elektrondy nusqada da qoljetimdi.
Tsıfrlyq tehnologııalar buqaralyq aqparat quraldaryn da aınalyp ótpeıdi.
Vıtse-mınıstrdiń sózine qaraǵanda, elimizde tsıfrlyq efırlik habar taratý engizilýde. Mańǵystaý oblysy 22 qazannan bastap osy júıege kóshpek. Batys Qazaqstan oblysy mundaı tsıfrlyq efırlik habar taratýǵa 2020 jyldan bastap kóshedi dep kózdelýde. Ol úshin aldaǵy jyly qajetti ınfraqurylym qurylysy bastalady. Jańa júıe Oral qalasynda 30-ǵa, aýdandarda 15 telearnaǵa deıin solardyń kórsetilimderin qamtamasyz ete alady. Mınıstrlik sondaı-aq aýyldyq eldi mekenderdi ınternetpen qamtýmen de jumystana bermek. 2018-2021 jyldary memlekettik jekeshelik áriptestik arqyly barlyq aýyl ınternetke qol jetkizbek. Osy baǵdarlama aıasynda Batys Qazaqstannyń ózinde 2021 jylǵa deıin 92 aýylǵa ınternet qosylady.
Jıynda «Jaıyq Press» JShS bas dırektorynyń orynbasary Ǵaısaǵalı Seıtaq baǵa máselesine toqtalyp, monopolıst mekemelerdiń óz qyzmetiniń qunyn kóterýdi oılamaı, ishki rezervterin iske qosý joldaryn kóbirek izdestirse degen usynysyn bildirdi. Mysaly, «Qazposhta» AQ-nyń gazet-jýrnal taratýda monopolıst mekeme ekeni belgili. Olar qyzmet baǵasyn kóterse, buǵan gazet shyǵarýmen aınalysatyn medıaholdıngter kóndigýge májbúr bolady.
Sondaı-aq Oral qalalyq «Jaıyq úni» gazetiniń bas redaktory Mıra Shúıinshálıeva, «Qazaqstan» RTRK» AQ BQO fılıaly dırektorynyń orynbasary Klara Qambetova jáne basqalar Joldaýǵa baılanysty óz oı-tolǵamdaryn bildirdi.
«Aqparat jáne kommýnıkatsııalar mınıstrligi «Qazposhtaǵa» otandyq BAQ-tardy oqyrmandarǵa jetkizý úshin sýbsıdııa tólep keledi. Ázirge «Egemen Qazaqstan» men «Kazahstanskaıa pravda» gazetterimen aınalysýdamyz. Barlyq óńirlerden qajetti aqparatty jınastyraıyq, sosyn jalpy qarjysy qansha bolady, sony esepteıik. Sodan keıin bul máseleni shesheıik. Sol sekildi halyqqa qyzmet kórsetý ortalyqtarynda gazet satatyn kıoskiler ashýǵa bolady. Árıne, medıaholdıngter gazetti qaǵaz túrinde, sosyn ınternet kózderi arqyly tarata alady. Bul jerde sony qalaı tıimdi berýdiń joldaryn taba bilý kerek. Mysaly, aqparattardy ınternet kózderi arqyly jarııalasaq, gazetke taldaý, saraptama jáne sholý materıaldary kóbirek kerek. Óńirlik BAQ-tar úshin ótkir máseleniń biri bolyp otyrǵan kadr daıarlaý máselesi de mınıstrlik nazarynda», - dedi Nurgúl Óserbaıqyzy.