Memqyzmetshilerge statıstıkalyq saýattylyq kýrsyn mindetteý usynylmaq

NUR-SULTAN. QazAqparat – Ulttyq statıstıka bıýrosy halyqtyń statıstıkalyq saýatyn arttyrý úshin «Data literacy» jobasyn qolǵa almaq, dep habarlaıdy QazAqparat tilshisi.

«Statıstıkalyq málimetterdiń túrleri óte kóp. Sony kádesine jaratatyn adamdardyń sanyn kóbeıtý, jalpy statıstıkalyq aqparatty durys tutyný mádenıetin qalyptastyrý úshin jańa jobany bastap otyrmyz. Azamattardyń statıstıkalyq saýaty boıynsha bilimin tolyqtyrýǵa baǵyttalǵan «Data literacy» jobasy málimetterdi durys paıdalana otyryp, tıimdi sheshim qabyldaý ıdeıasyna saıady. Ol arnaıy kýrstar túrinde ótedi, kúrdeliligine qaraı kezeńderi bolady», - dep jazylǵan bıýronyń baspasóz qyzmeti QazAqparat saýalyna usynǵan jaýapta.

Atalǵan kýrstan qarapaıym adamdar, jýrnalıster, dárigerler de óte alady.

«Al, memlekettik qyzmetshiler úshin ony biz mindetti kýrstardyń biri retinde usynýdy oılap otyrmyz. Onda bıýronyń jumysy, málimetterdiń qalaı alynatyny, qaı ádisnamaǵa súıenip esepteletini, saraptaý joldary boıynsha tolyq aqparat beriledi», - delingen bıýronyń málimetinde.

Buǵan deıin habarlaǵanymyzdaı, Ulttyq bıýro baǵa statıstıkasynyń rastyǵyn E-price júıesi arqyly tekserýge kóshedi.

Sondaı-aq, Ekonomıkalyq yntymaqtastyq jáne damý uıymy Qazaqstannyń statıstıka júıesine 3 jyldyq sholý jasaıdy.