Memqyzmetshilerge smartfondardy paıdalanýǵa ruqsat berilýi múmkin - Dáýren Abaev

ASTANA. QazAqparat - QR Aqparat jáne kommýnıkatsııalar mınıstri Dáýren Abaev memlekettik qyzmetshilerdiń smartfondy paıdalaný máselesine qatysty pikir bildirdi, dep xabarlaıdy QazAqparat tilshisi.

"Negizi, bul másele memlekettik qyzmetshilerge smartfondy paıdalanýǵa tyıym salynǵan kúnnen bastap talqylanyp keledi. Qazirgi kezde biz barlyq usynystardy saraptap jatyrmyz. Ókinishke qaraı, dál qazir naqty ári minsiz bir sheshimdi kórmeı turmyz. Biraq birneshe varıant pysyqtalýda. Menińshe, jaqyn arada biz ol jaıynda xabarlaıtyn bolamyz", - dedi D. Abaev Úkimet otyrysynan keıin jýrnalısterge bergen suxbatynda.

Mınıstrdiń aıtýynsha, memlekettik qyzmetshilerdiń smartfondardy paıdalaný máselesimen birneshe atqarýshy organ aınalysady. Arnaıy jumys toby da bar. Sondyqtan naqty bir sheshimge kelý ońaı emes.

"Sonda naqty qandaı nusqalar bar?" degen suraqqa mınıstr: "Dál qazir ol jaıynda aıtqan erte shyǵar. Biraq ruqsat berilýi ábden múmkin. Sebebi qazirgi zamanda aqparattyq texnologııalardan tys qalmaý qajet. Árıne, qaýipsizdik máselesin de eskerý kerek. Biz osy eki máseleniń tepe-teńdigin saqtaýymyz qajet", - dep atap kórsetti D.Abaev.