Memqyzmetshilerge qundy zattardy syıǵa tartýǵa tyıym salynady
«Memleket basshysy «Qazaqstan Respýblıkasynyń keıbir zańnamalyq aktilerine sybaılas jemqorlyqqa qarsy is-qımyl máseleleri boıynsha ózgerister men tolyqtyrýlar engizý týraly» Zańǵa qol qoıdy. Zań sybaılas jemqorlyq kórinisterin júıeli túrde aldyn alý boıynsha qosymsha sharalar engizýge baǵyttalǵan», - dedi ol Ortalyq kommýnıkatsııalar qyzmetindegi baspasóz máslıhatynda.
Onyń aıtýynsha, Azamattyq kodekste memlekettik qyzmetshilerge kez kelgen qundy syılyqtardy syıǵa tartýǵa tyıym salynady. Azamattyq kodekstiń memlekettik qyzmetshilerge qatysty syıǵa tartý máselelerin retteıtin erejelerin qoldanystaǵy zańnama normalarymen úılestirý qajettiligi «Qazaqstan Respýblıkasyndaǵy konstıtýtsııalyq zańdylyqtyń jaı-kúıi týraly» Konstıtýtsııalyq Keńestiń 2018 jylǵy 5 maýsymdaǵy joldaýynda kórsetilgen.
«Ózderińiz biletindeı, qazirgi ýaqytta Qylmystyq kodekstiń 367-babyna sáıkes memlekettik fýnktsııalardy atqarýǵa ýákiletti tulǵalarǵa, olarǵa teńestirilgen tulǵalarǵa, jaýapty memlekettik laýazymdy atqaratyn tulǵalarǵa nemese laýazymdy tulǵalarǵa buryn jasaǵan zańdy áreketteri nemese áreketsizdigi úshin quny 2 aılyq eseptik kórsetkishten asatyn syılyqtar tartý qylmystyq jaýapkershilikke ákep soǵady. Al, Ákimshilik quqyq buzýshylyq týraly kodekstiń 676, 678-baptaryna sáıkes, jeke nemese zańdy tulǵalardyń atalǵan tulǵalarǵa zańsyz syılyqtar berýi ákimshilik sybaılas jemqorlyq áreket bolyp sanalady. Osylaısha, qoldanystaǵy zańnamada sybaılas jemqorlyq sýbektilerine olardyń laýazymdyq jaǵdaıyna baılanysty kez kelgen qundy syılyqtardy syıǵa tartýǵa tyıym salynady», - dedi Oljas Bektenov.
Sondyqtan onyń atap ótýinshe, Azamattyq kodekstiń 509-babymen kózdelgen normany Qylmystyq jáne Ákimshilik kodeksteriniń normalarymen sáıkes keltirýge týra keldi.
«Sybaılas jemqorlyqqa qarsy is-qımyl týraly» Zańda sybaılas jemqorlyqqa qarsy shekteýler qabyldaıtyn tulǵalardyń otbasy músheleriniń materıaldyq syıaqy, syılyqtar nemese kórsetiletin qyzmetterdi qabyldaýyna tyıym salynady», - dedi tóraǵanyń birinshi orynbasary.