Memqyzmetshilerdiń «Týǵan jer! Týǵan til!» baıqaýynyń jeńimpazdary anyqtaldy

KÓKShETAÝ. QazAqparat- Aqmola oblysynda memlekettik qyzmetshiler arasynda ótkizilgen «Týǵan jer! Týǵan til!» atty oblystyq esse baıqaýynyń qorytyndylary shyǵaryldy, dep habarlaıdy QazAqparat tilshisi Aqmola oblysy boıynsha Memlekettik qyzmet isteri jáne sybaılas jemqorlyqqa qarsy is-qımyl departamentiniń baspasóz qyzmetine silteme jasap.

Vedomstvonyń málimeti boıynsha, «Rýhanı jańǵyrý» baǵdarlamasy «Ózgeristerdi ózińnen basta» kishi baǵdarlamasynyń aıasynda Aqmola oblysy jergilikti memlekettik organdarynyń memlekettik qyzmetshileri arasynda ótkizilgen «Týǵan jer! Týǵan til!» oblystyq esse baıqaýy óz máresine jetti.

Memlekettik qyzmetshilerdiń boıyna patrıottyq rýhty sińirip, memlekettik qyzmetshilerdiń latyn grafıkasyndaǵy qazaq tili álipbıiniń praktıkalyq qoldanylýyn birtindep engizý jáne ony keńeıtý arqyly jańa álipbıge júıeli ótýge jaǵdaı jasaý maqsatynda Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Aqmola oblysy boıynsha departamenti uıymdastyrǵan baıqaýdyń birinshi kezeńi oblystyń aýdandary men qalalarynda ótkizildi.

«Týǵan jeri men ana tili týraly maqtanyshpen jazylǵan úzdik shyǵarmalardyń avtorlary baıqaýdyń oblystyq kezeńine qatysýǵa joldama aldy.

Aqmola oblysy ishki saıasat basqarmasynyń oblystyq oqý-ádistemelik ortalyǵynyń ádiskeri Ǵaısha Jakıenova jáne oqytýshysy Bıbigúl Daırova, sondaı-aq, departamenttiń bas mamany Saıa Bekkajanova syndy mamandardan qurylǵan oblystyq baıqaý komıssııasynyń sheshimimen Býrabaı aýdandyq máslıhaty apparatynyń bas mamany Jasulan Majkeevtyń shyǵarmasy úzdik dep tanyldy», deıdi vedomstvonyń baspasóz hatshysy Jazıra Toqtar.