Memqyzmetshilerdi qysqartý: Agenttik tapsyrmany júzege asyrý barysyn talqylady

NUR-SULTAN. QazAqparat - Memlekettik qyzmet isteri agenttiginiń tóraǵasy Anar Jaıylǵanova Memleket basshysynyń «Cyndarly qoǵamdyq dıalog – Qazaqstannyń turaqtylyǵy men órkendeýiniń negizi» Joldaýyn iske asyrý máselelerin talqylaý jóninde keńes ótkizdi. Bul týraly QR Memlekettik qyzmet isteri agenttiginiń baspasóz qyzmeti habarlady.

Keńeske Agenttiktiń ortalyq apparatynyń, onyń vedomstvolyq baǵynysty uıymdary – QR Prezıdenti janyndaǵy Memlekettik basqarý akademııasynyń, Personaldy basqarý jónindegi ulttyq ortalyǵynyń, sondaı-aq beınekonferentsbaılanys arqyly Agenttiktiń aýmaqtyq departamentteriniń qyzmetkerleri qatysty.

Anar Jaıylǵanova Joldaýdan týyndaıtyn memlekettik qyzmetti jetildirýge baǵyttalǵan mindetterdi sapaly jáne ýaqtyly oryndaýdy qamtamasyz etý jóninde tapsyrma berdi.

«Memleket basshysy 2024 jylǵa deıin memlekettik qyzmetshilerdiń jáne ulttyq kompanııalar qyzmetkerleriniń sanyn 25 paıyzǵa birtindep qysqartýǵa kirisip, únemdelgen qarajatty neǵurlym paıdaly qyzmetkerlerdi yntalandyrýǵa jumsaý mindetin qoıdy. Bul rette jas kadrlardy memlekettik qyzmetke tartý, sondaı-aq merıtokratııa qaǵıdattaryn saqtaý jónindegi sharalardy pysyqtaý qajet. Bizdiń aldymyzda atalǵan tapsyrmany júzege asyrý úshin tásildeme jasaý mindeti tur», - dep atap ótti Tóraǵa.

Sondaı-aq, Agenttik tóraǵasy Memleket basshysy atap ótken sybaılas jemqorlyqpen jan-jaqty kúresý máselesiniń mańyzdylyǵyna toqtaldy. Memlekettik qyzmetshiler arasyndaǵy sybaılas jemqorlyqqa qarsy is-qımyl máselelerin etıkalyq baqylaý prızmasy arqyly qaraýdyń qajettiligi atap ótildi.

«Memlekettik qyzmetshiler, ásirese baqylaýshy organdarda qyzmet atqaratyn mamandar bıznes-qoǵamdastyqpen qarym-qatynasta etıkalyq normalar men memlekettik qyzmet týraly zańnamanyń qandaı da bir buzýshylyǵyn zańdy kásipkerlik qyzmetke kedergi keltirý nemese bireýdiń múddelerin jaqtaýǵa jasalǵan talpynys retinde baǵalanýy múmkin ekendigin naqty túsinýi qajet», - dedi A. Jaıylǵanova.

Onyń aıtýynsha, elektrondyq túrde kórsetiletin memlekettik qyzmetterdiń úlesin odan ári kóbeıtý qajettiligi, onyń ishinde qolma-qol aqshasyz tólemderdi júzege asyrý aıtarlyqtaı mańyzǵa ıe. Ásirese, bul Memleket basshysynyń tsıfrlyq ekonomıkany jáne Ortalyq Azııa óńirinde ınfokommýnıkatsııalyq tehnologııalardy damytý deńgeıi boıynsha kóshbasshylyqty kúsheıtý, sondaı-aq qolma-qol aqshasyz tóleý júıesin jappaı engizý jónindegi aıtqan mindetteri aıasynda ózekti bolyp tabylady.