Memqyzmetshige syılyq bergeni úshin qandaı jaza qoldanylady

ASTANA. QazAqparat - QR Memlekettik qyzmet isteri jáne sybaılas jemqorlyqqa qarsy kúres agenttigi aldaǵy meıramdar kezinde memqyzmetshilerge syılyq bermeýge keńes berdi, dep xabarlaıdy QazAqparat.

Memlekettik qyzmet salasyndaǵy baqylaý departamentiniń basshysy Ravıl Tıýlebaevtyń aıtýynsha, Jańa jyl merekesi qarsańynda memqyzmetshilerge syılyqtar jıi beriledi. Zań boıynsha memlekettik qyzmetkerge ózine júktelgen jumysy úshin kez kelgen syılyqty alýǵa tyıym salynǵan.

«Eger syılyqtyń kólemi 2 aılyq eseptik kórsetkishten (1 AEK - 2 405 teńge) tómen bolsa, onda syılyqty bergen adamǵa 200 aılyq eseptik kórsetkish (481 000 teńge) kóleminde aıyppul salynady. Al sol syılyqty alǵan memlekettik qyzmetshi 600 aılyq eseptik kórsetkishtiń (1 443 000 teńge) aıyppulyn tóleýge mindetti. Syılyqtyń baǵasy 2 aılyq eseptik kórsetkishten joǵary bolsa, onda ondaı áreketter para bolyp sanalady jáne qylmystyq iske jatady», - dedi R.Tıýlebaev Astanada ótken baspasóz máslıxatynda. 

Resmı málimetke sáıkes, aǵymdaǵy jylda zańsyz syılyqtardy usynǵany úshin 28 jeke tulǵa ákimshilik jaýapkershilikke tartyldy. Al zańsyz syılyqty alǵany úshin 5 laýazymdy tulǵa zań aldynda jaýap berdi. Olardyń barlyǵy 16,1 mln teńgeniń aıyppulyn tóleýge mindetteldi. Al astanalyq kásipker kelinshek memqyzmetkerge balans salyp beremin dep, myń dollarǵa shyǵyndaldy.